KONDOM TANGKAINA-Dr. C. Lalrampana

A KAMKEUNA:
Condom hi UK chuan ‘Kondam’ emaw ‘KONDOM’ an ti a, Mizo tawng chuan ‘Zang Kawr’ kan ti mai a; Saptawng chuan ‘Peni Case’ tih a ni. Condom siamtute’n a hmelhmang (Shape) hrang hrangin an siam a; a mawl pangngai te, a bawl (dot) te, a tial nei (thread) etc. te an siam a ni. Hetianga chi hrang hrang an siamna chhan hi inpawl laia mipa leh hmeichhia a nuam thei ang bera an awm tawn theihna tura ruahman vang a ni. A pangngai satliah hi chu hman a nuam vaklova, a bawl (dot) hi ziawm tak a ni a, a tial nei phei chu a nuam lehzual.

ENG ATANGA SIAM NGE?
Condom hi Polyurethane leh Polyisoprene emaw lamb intestine atanga siam a ni a; hmeichhe hman chi pawh a awm a, chu chu Nitrile atanga siam a ni. Hmeichhe hman chi hi chu a hautak deuh avangin hman tam a ni vak lova, mipa hman chi hi a awlsam a, a man senso a tlem avangin an hmang tam ber a, a him tawk hlea ngaih a ni bawk.

A HMAN DAN:

Condom hman dawnin fimkhur taka tih a ngai. Amah hi thil pan nem tak a nih avangin dimdawi a ngai a, a bawm atanga lakchhuah dawn leh zanga vuah luh dawnah fimkhur taka khawih tur a ni. Tin hriam leh thil zum hriamin a tai thler palh hlauh hletur a ni. A tet chhe chung chunga hman loh tur a ni. Hman hmain a himdam em tih uluk taka finfiah tur a ni bawk.

HMANHMAWH LOH TUR:

Hmeichhia an han inphelh var pur tawh chinah hi chuan mipa panngai ‘kei’ inti ve chin tan chuan uipui tui lian thlir vung vungringawt chu har tak a ni tih chu a hriat thiam theih mai awm e. Hmeichhe lam Daktawr thiam (Gyanecologist)thenkhat pawh hian hmeichhe itawm deuhte chu an en uluk bik a, hun pawh an hmang rei deuh thin niin sawi a awm fo mai.Hmeichhe lam Daktawr ni lem lo chunga hmeichhe lam thiam tela insawi hmeichhe endik thin daktawrte pawh an awm fo bawk nia sawi a awn thin. Hemi kawngah hian Daktawr thenkhat paw’n hmingchhiat an tawk zauh zauh tawh thin niin a lang.Hmeichhe hrisel pangngai tan pawh mipa an han inphelhsek a, dar 12 a’n kawh vah tawh hi chuan an chilthli a tla nghal duah zel tawh thin a, an hmanhmawh ut ut tawh thin.

Khitiang khi a nih tawn thin avangin Condom hman dawnin pawng hmanhmawh loh a tha ber. Hmeichhia zawkin mipa zang a endiksak hmasa ang a, bawlhhlawh nawi Condom tawn/do pawp thei tur a awm leh awm loh a finfiah hmasa thin ang a; him tawka a hriat hnuah dimdawi tak leh uluk takin zawi muangin Mipa zang khawng/fawk/fuk tan mar that lai takin Condom chu zun mar zel zel tur. Chutianga vuah hnuah chuan a hmawr zum chi luhna bawm hmawr zum laiah chuan mipa chi (Semen) put ru theiin pawp a awm em tih leh a pang velah pawp a awm em tih uluk taka finfiah hnuah a him dam pial chuan hmeichhia bawkin mahni serh kuaah dim taka thunsak hmiah tawh mai tur a ni.

Hmeichhe tam takin condom hman duh loh chhan chu a lawnga hman anga a nawm tluantlin loh vang a ni ber. Hmeichhe pakhat ka zawha min chhanna chu-“Condom hman chu Jacket ha chunga hnung thak hiah ang vel a ni a, a nuam nep em a, hman ka peih vel tingtang lo” tiin min chhang a, a hrechiang hle mai! Mahse, a nawmna lam ringawt aiin a hlawkna leh tangkaina lam hi a hmei a pain kan ngaihtuah a ngai zawk tih kan hriat tharleh zual a hun takzet ta.

A TANGKAINA

Condom tangkaina hi sawi tam tawh hle mah se; a tangkaina angin kan la hmang tangkai tawk lo tih chu MSAC Statistical data hnuhnung ber atang pawh khan a chiang hle. HIV/AIDS inkaichhawn tamna chhan ber chu Sextual intercourse vang a ni tih a la ni fan. Chuvangin, a tangkaina hetiang hian i han tarlang nawn leh teh ang.
1. Chhang khat nan damdawi ei chiam chiam aiin mipa/hmeichhe tan a hrisel a, nghawng tha lo a nei tlem zawk.

2. Hmeichhe tan inpawl zawha berh huh leh hnawng chuap lakah hulharna tha tak a thlen.

3. Insiam kher ngai lovin fa neih tlem nan hmanraw tha tak a ni. Inzaina senso lakah sum humna tha hmanraw tha tak a tling.

4. Inpawl avanga natna inkaichhawn theih Sexually Transmitted Infection-STTs leh Sexually Transmitted Diseases -STDs avanga natna chihrang hrang HIV/AIDS etc. laka venghimtu hmanraw tha ber a ni.

5. Mipa/Hmeichhia HIV/AIDS vei mek tan pawh mahni Bialnu/Bialpate HIV/AIDS vei ve lote ngampa taka Sex hmanpui theihna hmanraw tha ber a ni.

6. Nupui/Pasal nei lai uire reng pawisa lo leh midang kawp lova awm thei lo tan timna nei miah lova Sex hman theihna hmanraw tha ber a ni.

7. Nula/Tlangval bialnu/bialpa nen inneih hmaa fa neih duh si lo Sex hman duh reng bawk si tan oral pill ei chiam chiam ngai lova sex hman theihna hmanraw tangkai ber a ni.

8. Hmeichhe pasal nei emaw nula/ nuthlawi/hmeithai tan Mipa chi dawng lova Sex hman theihna hmanraw tha tak a ni.

9. Hmeichhia/mipa mahni bialnu/bialpa a ruka hrisellohna nei a langa hriat si lohte nena sex hman dunna hmanraw tha tak a ni.

10. Nupui/Pasal lerh/hirha deuh neite tan ngaihtha taka mahni nupui/pasalte Sex hmanpui theihna hmanraw tha tak a ni.

11. Hmeichhe fa nei thei lote fa neihtir nan mipa chi (Semen) dahluha hmeichhe serha thunluh lehna fa neihtir theihna (infertility treatment) atana hmanraw tangkai tak a ni.

Khing bak pawh khi condom tangkaina tam tak a a la awm thei. WHO-in a chhut danin Condom hman tangkai a nih hnuah kumtin hman a nih hma ai khan STIs/STDsn avabga natna inkaichhawn thin chu 10%-18%-ah a tlahniam nia tarlan a ni. Kan tet lai phei chuan mi hman hnu leh la hman lohte pawh balloon atan kan ham puar a, infiam nan kan sep kang a, kan inchuh luih luih thin a; min tihlimtu sport goods tha tak a tling ve tlat. Chuvangin, condom hman tangkai uar deuh deuh ila natna hlauhawm tihdam theih loh HIV/AIDS lakah kan fihlim tlang dawn a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Health and Lifestyle and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s