MIZO PA CHAK CHÛLA

Chûla hi Mizo mi chak hmingthang zinga sawi lar hmasak ber a ni hial awm e. Chûla pa hming hi Hnahkunga a ni a, Burma ramChin-hill-a Tlau khua (Tlau hmun) ațang Hmawngkawnah an pem a, Hmawngkawn atangin Mizoram Vaphaiah an lut leh a. Chuta țang chuan Selesihah an pem leh ta a ni.Chûla chak vanglai hi Selesih sangsarih hun lai vel a ni a. Selesih sangsarih hi Khawbung leh Zawlsei inkara awm a ni a. A. D 1650- 1700 inkar vel khan Selesih sangsarih hi a lar hle a ni. Hmanlai chuan Mizo leh Mizo pawh indo leh inrun fo thin an nih avang leh Țiau chhaka pawi ral laka him zawk nan tiin lal pasarih infin khawm zai an rel a, Selesih sangsarih khua hi an din ta a ni. Lal pasarih infin khawm an nih avangin Selesih chu a ropui lo thei ta lo va. Zawlbuk pawh pasarih lai an nei a, pasaltha hmingthang fe fe pawh an tam hle reng a ni.

Țuk khat chu tlangvalho hian Chula sual rawn an tum a, thingfak kengin an hual tuau mai a. Chula chuan a bula in rel mek kaldung atana rawnal an țawn, hruipui hnanga an phuar chu a pawt dawk ta zawt mai a, chuveleh amah sual tumtute chu baklengin an tlan darh ta vek mai a ni. A chak hle a niang vawk sum ngaa lian hi tûlthira sazu kan rawh ang hian a kut khingkhata lek kawhin meiah a rawh a, a kut lehlamin a met heuh heuh thei a ni an ti.
Țum khat chu a țhiante nen an ramchhuak a, sai an kap a, a nghawngah an han tana sai lû chu an han dah hran chuan a tak nena a inzawm lai ai khan a lang ropui ta hle mai a. A țhiante chuan, ” Chûla’n a pu zo ang em?,” tiin an inrinsiak laih laih hlawm a. Chûla chuan,” Kan chhin tehreng ang chu,” tih pahin a pu ta vu vu mai a. A țhiante chuan,” E heuu, I chak tih zawng kan hria a, mahse heti em ema chak hi i nih kan ring pha ngai lo a ni,” an ti ta hial a.

A fate pawhin chakah an chhun hle a, seki hmawr hawng tawh te hi an han hneh khawp a, duh duh hian an chaih let tawp tawp thei a ni an ti. Chûla thlah kal zelte hi an lianin an chak hlawm hle a, Mizo pa chak hmingthang Tumpanga pawh kha Chula thlah chhuan thumna vela mi a ni nghe nghe a ni. Chûla hming tak hi mi țhenkhat chuan Zachûla niin an sawi.

Lehkhabu rawn: K. C. Vanlalruata ‘Mizo Mi Chakte

Advertisements
Aside | This entry was posted in Thu Ngaihnawm, True Story and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s