MNF IN CBI CHHUI TIR TUR CONGRESS SORKAR PRESENT

Congress party chuan inthlan dawna an tih tur intiam zingah corruption leh mi thenkhat thihna chungchangah ‘Central Bureau of Investigation’ (CBI) ko lut a, chhui tir tura intiaminmipuiah an inzuar a, heti chung hian kum riat hmel hmu tawh an sorkar chhungin CBI an kohluh thawm hriat tur a awm lo MNF Party chuan an ti.

Nimin July 6, khan thuchhuah siamin, Tunhnaiah Rangkachak tlang 52 zet, cheng nuai 1400/- man hu tawlhruk; rûkbo thubuai chhuina kawngah Mizoram Police ‘Special Investigation Team’ (SIT) ten chhui zui ngaihna hre lo va, CBI kuta hlan mai an tum thu leh, sorkar pawhin CBI chhui tir a tum thu hriat a ni a. MNF party-in ngun taka a thlir zui danin he rangkachak thubuai chiri tak anga lang chungchangah hian thuneitu sang thenkhat leh smuggler te inkarah hnungzang inhiahtawnna a awm em, tih enfiah a tul hlein a hria.

Mizoram Police SIT te hian hleih neiin he thubuai hi an kal pui em, tih thleng pawhin en chian a tul hlein a lang a. Rangkachak phurtu te ngei man an ni ve hauh lo mai leh, FIR pakhat pawm a, FIR dang pawm loh leh register duh bawk si loh hi; a chhan lehvang mipui lungawi na tâwka an sawifiah loh chuan, thubuai kalpui dan leh thil chhui zui dan rinhlelhawm takah Zoram mipui hian an ngai zui thei dawn a ni. MNF chuan Mizoram police te hi ramdang police aiin a dah sangin a chhuang zawk thin a, engtik lai mahin a dah hniam ngai lo. Rangkachak tawlhruk chhuina kawngah mipui beisei an phak lohna laiah erawh MNF chuan pawi a ti hle.

Hetih rual hian MNF party chuan Mizoram sorkar sum cheng khat pawh heksakna leh bothlau awm lohna, sawrkar phal loh ramri kalthelha a ruka sumdawnna maiah mah; chhui chiang tura CBI hming an lam duh anih chuan, heng a hnuaia mi te hi MNF chuan CBI chhui atan congress sorkar a present duh a ni.Mizoram State Lottery-ah thuneitu sang te’n an duhsak zawngte dik lo taka an thlan vangin, Mizoram sorkarin a lo thlawna cheng vaibelchhe tam tak sum a hlohna hi CBI chhui tir atan sorkar kan present.

Mizo Carbon Products-in diklo taka Central Transport Subsidy (CTS) cheng vaibelchhe tam tak an lo fanghma no ei hmiah hmiah mai hi, congress lal chhungkaw eiruk; an sum chheprelhna hmanrua a nih theih avangin ACB kutah dah lo vin,CBI kutah hlan fel law law atan kan present.Sunshine Overseas company ah Health Minister ni chunga Pu Lal Thanzara’n chanvo (share) 21% hlawkna a lo neih dan te, H.P Food Product-in ‘High Protein Biscuits’ cheng vaibelchhe 22.34/- man sawrkarah supply hna a lo thawh ruk dante pawh CBI kuta hlan atan Congress sorkar kan present bawk.NLUP ah cheng vaibelchhe 2800 chuang holam taka a riral dan hi CBI chhui tir MNF chuan a duh a. He “NLUP scandal” nasa lutuk, Motor lei zat sawi dan inanglo te, NLUP sum bank-a dah pundan (percentage) inmil lo lutuk te pawh CBI chhui chian atan kan present duh a. Mi tuemaw kal tlanga FIR thehluh nghak kher lo pawhin ‘Suo moto’ hmang pawhin thubuai a ziaklut thei reng a. Coruption phoro tum tak tak tan chuan heng a chunga CBI chhui tura kan present te hi an kalpui dan MNF chuan a thlir zui dawn a ni, an thuchhuah chuan a ti.

Advertisements
Aside | This entry was posted in Zoram Politics and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s