Phone /SMS/Internet hmanga gas book dan

  • online a gas book dan
  • SMS hmanga gas book dan
  • Phone hmanga gas book dan

IVRS/SMS/Internet hmanga gas cylinder book dan hi lo hmelhriat ve rawh le

A thatna te:

1. Mahni awmhmun atangin gas a book theih (phone call, SMS emaw internet kaltlangin).
2. Distributor ten hun tiam chhungin Gas book tawh te chu an pek ngei ngei a ngai.
3. Nangmah ngeiin gas chu I book avangin subsidy pawh nangma account-ah ngei a lo lut ang a, subsidy kal sual tur a veng ang.
4. LPG supply khawpkham lo emaw mumal lo emaw he system-ah hian a rawn lang chiang nghal thei ang.
5. Home delivery system kan neih theih nana rahbi pawimawh hmasa a ni bawk.

Gas online-a book turin I mobile register hmasa la, I gas chu han book chhin ve teh ( https://indane.co.in/sms_ivrs.php ) Thil harsa a awm lo:

One Time Registration (Telephone hmangin):

1. In landline/mobile phone atangin ph.no: 9089024365 ah hian dial rawh.
2. Hindi I duh chuan 1 hmet la, English I duh chuan 2 hmet rawh.
3. In distributor landline number hmet rawh. Entirnan, in distributor chu Kapliani Indane Agency a nih chuan 03892325744 hmet rawh. Aizawl khawpui chhunga Gas agency phone number te chu a hnuaiah khuan dah a ni e.
4. IVRS chuan i distributor agency hming a rawn sawi chu a dik tih confirm nan 1 hmet leh ang che.
5. I Consumer Number hmet la. Entirnan, i customer number chu 22954 a nih chuan 22954 hmet la, IVRS in a rawn sawi nawn chu ngun takin lo ngaithla la, a dik chuan confirm nan 1 hmet leh ang che.
6. Subsidy tih tawp I duh leh duh loh a lo zawt ang che a, reject nan 1 hmet la, booking menu ah i kal ang.
7. Refill book nan 1 hmet la;
8. Complain tur (entirnan subsidy dawn mumal loh te, gas cylinder hmuh loh rei lutuk te) i nei a nih chuan 2 hmet la;
9. I gas book hnuhnung ber chunchanga hriat duh I neih chuan 3 hmet rawh.
10. Gas I book hnu chuan I va call na number chu I personal number a nih leh nih loh a lo zawt ang che a, confirm nan 1 hmet leh la, I number chu a hnu zela gas book-na chungchanga hman tur atan register nghal a ni ang.

Number register tawh te tan:

1. I number register tawh sa atang chuan Ph.no. 9089024365 dial rawh
2. Gas I book dawn chuan 1 hmet la;
3. Complain tur i neih chuan 2 hmet la;
4. I gas book hnuhnung ber chungchanga hriat duh I neih chuan 3 hmet rawh.

Gas chu I book rualin i number ah chuan Reference number a lo thleng ang.
Chu bakah heng hunah te hian SMS I dawng thin ang:
1. Gas I book apiangin;
2. Cash memo print a nihin;
3. I Gas book chu a lo thlenin;
4. I gas book chu engvang pawha cancel a nihin.

SMS hmanga tih dan:

1. Registration: No. 9089024365 ah hian hetiang hian SMS thawn tur a ni: IOC . Entirnan, i distributor chu Kapliani Indane Agency (2325744) a nih a, I consumer number QX00827C lo ni ta sela, heti hian sms thawn tur a ni IOC 03892325744 QX00827C
2. Booking: No. 9089024365 ah tho hian SMS tih hi thawn mai tur a ni.
3. Refill: No. 9089024365 ah tho hian SMS tih thawn tur.

Distributor te’n engtinnge an sem ang?

Distributor te hi koh khawma sawiho pui tawh an ni a. Tun dinhmunah chuan danin a phut anga in tina sem hi kan khawpui ruangamin a zir loh avang leh chhan hrang hrang avangin tithei dinhmunah an la ding lova. Mahse online-a gas book te chu pe hmasa ngei ngei turin ruahmanna an lo siam ang a, an gas sem hunbi te pawh a tul ang leh mipui tana rei tak tak intlar ngai lo turin an her rem ang.

He system thar hi thil awlsam a ni ang em?

A tirah chuan distributor te ruahmanna thar siam chhung nen a kal zaih bik lo mai thei. Amaherawhchu gas pakhat la tura chawhma pum emaw chawhnu pum emaw intlar thak thak ngai lo tur leh subsidy kal sual nasa thin pumpelh nana kan rahbi pawimawh hmasaah ngai tlang ila, mipui tana awlsam zawka gas lak dan system kan neih a tul si a ni. He thil thar hi lo hmelhriat vein han hmang tangkai ve chhin la, harsatna I nei a nih chuan DC Office helpline 0389-2326257 ah phone-in emaw Aizawl Bawrhsap Pisapui Facebook page-ah te comments I han thai lang dawn nia. Kan lo pui ang che.

Sl. No LPG Distributor hming Phone Nos.

1. Kapliana Indane Agency~ 0389 2325744
2. Vanbuangi Gas~ 0389 2325268
3. Suakchhunga~ 0389 2341092
4.Biakkungi~ 0389 2341150
5. Zothan~ Indane~ 0389 2306833
6. Zopuii Gas~ 0389 2347409
7. Zoram Indane~ 0389 2393140
8. Mizofed, Aizawl~ 0389 2305707
9. V.Neihkunga Gas~ 0389 2349501
10. Caravan Gas~ 0389 2350888

Advertisements
Aside | This entry was posted in Health and Lifestyle and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s