UK PM HLUI TONY BLAIR LEH US PRESIDENT GEORGE W. BUSH TE “WAR CRIMINAL CHARGE ” AN NI DAWN EM ?

POSTED by Ct Lalrinawma On July 7, 2016

July 6 ah US President 43na George W. Bush Jr chuan a kum 70na chu Dallas khawpuia a hmingchawia Bush Presitential Library ah a lawm a, birthday card lian zet mai 6ft lai a sang a dawn laiin, thu duhawm lemlo tak Sir Chilcot Inquiry Report an tih mai- thu mak tak a dawng zui a, British PM Tony Blair nen khan kum 2003 ah dan phuah chawp leh dawt hmang deuh rohvin, Iraq runin Saddam Hussein kha an paihthla em ni? tih thu a ni.

He Chilcot Inquiry Report vangin British sipai, Iraq War vanga thi chhungte chuan Tony Blair chu International War Crime Tribunal ah a chungthu ngaihtuah sak phutin kawng an zawh phah hial. He Chilcot Report hi Iraq War dawna top secret- PM Blair leh President Bush te hmalakna (Blair-Bush Iraq Memo) chhuina a ni ber. He report ah notes 29 zet kimchang takin a awm. Report hi volume 12, thumal maktaduai 2.6 a awm.

Bush hi Iraq War ah prime-architecta ni a; Blair hi a kutke ( henchman) a ni. PM Blair chu “impeachment” tura phut a ni a, Britons mi 179 thi chhungte chuan Blair hi rorelna hmaa ding turin an phut. US military 4,497 an thi. Iraq Body Count ah database of death ah Iraqi 251,000 awmin, “War and Peace” bu aiin a chhah. He Chilcot Inquiry Report hian kum 6 chhung a awh. Kum 2009-2011 chhunga mi pawimawh mi 150 te thu zawtfiahin, documents 150,000 zet chhui a ni.

Sir John Chilcot hi Iraqi Inquiry Comtt ah hotu/ chairman a ni a, civil servant hlui a ni. He Chilcot Report hi PM Tony Blair chuan, a pawm thu sawiin, “Kha thilah khan intelligence report dik tawk loh (flaw) vang a ni. Tihsual palhah ka mawhphurhna a ni” a ti. Hetianga mawhphurhna a la ngam hi hruaitu ropui a nihna tilangtu a ni. PM David Cameron chuan, Britain in kum 200 chhunga military hmanga thiltih sual lian ber a ni. Hetiang hi thleng nawnlo turin fimkhur a ni, a ti.

Labor party hotu Jeremy Corbyn chuan Iraq War vangin Labor party in ngaihdam a dil ang. He thil hi dan kalh a ni, a ti bawk.

He Chilcot Report hi Iraq War chungchanga thil awmzia chhuina niin, kum 2009 a mipui leh parliamentary phutna vanga Blair thlaktu PM Gordon Brown a chhui tirna thu a ni.

Advertisements
Aside | This entry was posted in World News and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s