Adhaar card no. thehlut lote Gas subsidy tihtawpsak an ni Sorkarin ngaihhnathiam turin sorkar laipui ngen a tum

  • Gas subsidy nei turin Adhaar card neih ngai.
  • Gas hmangtu te’n Adhaar card number thehluh ngai

Mipuiin eirawngbawlna gas an lâk a, sorkarin a man a tum ṭhensak (subsidise)-na sumte chu July 1, 2016 aṭang khan bank leh gas agency-a Adhaar card copy thehlut lote hnenah thuna ni lo a, Adhaar car copy thehlutte hnenah chauh thun a ni tawh dawn.

Mizoram sorkar chuan hei hi ngaihven nghalin sorkar laipuiah hun pawtsei tura ngen a tum.

Thu dawn danin, sorkar lai­puia Petroleum & Natural Gas Ministry thuchhuak angin, July 2016 aṭang chuan cash transfercompliant (CTC)-te chauhin an bank account-ah gas subsidy sum an hmu thei tawh dawn a; CTC ni turin bank-ah leh gas agency-ah Aadhar card number thehluh a ngai.

Gas agency leh bank-a Adhaar card number la thehlut lote tan September 30, 2016 thleng thehluh theih a ni a, chumi chhunga thehlut hmante chu July 1 – September 30, 2016 chhungin gas an leina subsidy pawisa lut rih lo mah se, a hnuah a lût leh tur a ngaih a ni.

Kumin September thla ral hmaa thehlut hman lote erawh chu gas an lak tawhna subsidy pek an ni lo ang a, July-September 2016 chhunga gas an lakna subsidy chu an chán dawn a; Adhaar card number an thehluh hnua gas an lakna subsidy chauh bank account-ah thunsak an ni tawh ang.

Gas agency leh bank-te hnena gas consumer-te Adhaar card number sorkar laipuiin thehlut tura a tih hi Mizoram bikah inhriattir lâwkna a awm mumal loa sawi a ni.

Vanglaini palai zawhna chhangin, Food, Civil Supplies & Consumer Affairs (FCSCA) department hotute chuan, Adhaar carcopy thehlut lote hnena gas subsidy pawisa bank account-a thun tawh loh tur thu hi nimin khan email-in an dawng chauh tih an sawi. Gas agency-te pawhin July 6, 2016-ah hriattirna an dawng chauh a, mipui hnenah an puangzar hmasa hman lo nia thu dawn a ni.

FCSCA hotute chuan, sorkar laipuiin Adhaar card a ngai pawimawh a, mipuiin an neih vek theihna turin an nawr na sawthle tih an sawi a; chutih rualin, Mizoramah Adhaar card nei lo an la tam avangin Mizoram bik chu ngaihhnathiam (exempt) lehrih turin sorkar laipuiah ngenna an thlen dawn tih sawiin, “Kar leh Thawhṭanniah kan thawn hman ang,” an ti.

Mizorama mi ṭhenkhat chuan Adhaar card thehluh loh vangin gas subsidy sum an dawn loh tur thu leh Adhaar card thehlut thuai tura hriattirna an mobile phone-ah SMS-in an dawng a ni.

~~~~~~~~~~~~~~~~~~~

1. Ni 1.7.2016 atang khan Bank leh Gas Agency a Aadhaar number(xerox copy) thehlut/link lote chu Bank account ah Gas leina subsidy pawisa a lut tawhlo.

2. September Ni 30. 2016 hmain Aadhar number hi Bank leh Gas Agency ah thehluh tur a ni a, hemi hun chhunga Aadhar number kan thehlut/link a nih chuan ni 1.7.2016 – 30.9.2016 chhung a Gas kan leina subsidy pawisa lut rihlo mahse a hnuah lut leh tur a ngaih a ni.

3. October 1, 2016 hmaa Aadhar number Bank leh Gas Agency a thehlutlo chu an Gas leina subsidy pawisa a lutlo ang.

BTC HI ENG NGE? :
Kan hriat angin 2014 kum tawp lam atang khan kan Bank account number Gas Agency ah thehlut in kum 2015 April thla atangin man to zawkin Gas kan lei a, kan bank account ah subsidy pawisa a lut thin a nih kha. Kan Bank account leh Gas card number te a inzawm/link in BTC(Bank Transfer Compliant) customer kan lo ni ta a. Nimahse, ni 1.7.2016 atang kha chuan BTC customer kan nih khan subsidy a lut thei ta lo a, CTC customer kan nih a ngai dawn a ni.

CTC HI ENG NGE? :
BTC customer kan nih hnuah Aadhar number chu Bank leh Gas Agency a kan thehluh leh a ngai a, chumi hnuah CTC(Cash Transfer Compliant) customer kan ni thei dawn a. Ni 1.7.2016 atang CTC customer te chauh Gas leina subsidy pawisa an Bank account ah a lut thei.

LPG(GAS) CUSTOMER TE TIH TUR:
Central sawrkar, Petrolium & Natural Gas Ministry thuchhuak angin kum 2016 July thla atang chuan CTC Customer te chauhinGas Subsidy Bank Account ah an hmuh theih dawn avangin kan Aadhar number chu Bank leh Gas Agency ah kan thehluh a ngai a. CTC Customer ni thei turin Gas Agency a Bank Account kan thehluh ringawt chu a tawk ta lova, Bank leh Gas Agency ah kan thehluh ve ve a ngai. Kan thehluh a, Bank leh Gas Agency in an chinfel vek hnuah chauh CTC Customer kan ni thei ang.

CTC Customer ni tur hian kan Aadhar Card te Bank leh Gas Agency ah thehluh vat tur a ni a. Thil buai tak niin lang mahse Aadhar card neisa tan chuan thil harsa a awm chuang lo.

He hriattirna hi Gas Agency te pawhin ni 6.7.2016 (MHIP Day) khan an dawn chauh avangin mipuite hnenah pawh puanzar lawk hman a la nilo.

Advertisements
Aside | This entry was posted in Health and Lifestyle and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s