MIN RINGHLEL A NIH CHUAN CASE  TI NUNG THAR LEH TURIN KA NGEN A NI – CM HAWLA

July ni 8, 2016 (Zirtawpni) hian Congress Party chuan Congress Bhavan Golden Hall-ah Political Session hun an hmanga, he hunah hian Pu Lal Thanhawla, Chief Minister leh Party President ni bawk chuan thu a sawi.

    Pu Hawla chuan, Kan ram buai tan dan hre lo MNF hruaitute zingah an awm. Pu Laldenga a thih khan MNF President a ni a, nimahsela, an vui lai khan Ex- MNF President a ni tawh. Pu Zoramthanga hian Pu Laldenga a thi tih a hriat khan ama thuin President-ah a indah a, chu chu mipui ten an hriatpui lo a ti.

    Pu Hawla chuan, MNF Sr. Vice President in Vai Sipaiin min kap hmasa tiin thu a sawi a, an Party thil tum pawh hre lovin Party an kaihruai a, engtin nge hetiang miin Party an hruai miau chuan thui tak an kal theih ang. Mitdelin mitdel vek a hruai chuan khuarkhurum ah an tla thin. An Sr. Vice President hian a hriat miah loh thu a sawi a ni. February ni 28, 1966 ah Rev. Sakhawliana inah Senate an thukhawm a, Vai Sipai Camp leh Treasury te lak vek tur a tih a ni. An hotupa Pu Laldenga khan thulh leh duh mah se thulh theih a ni tawh si lo. Vai Sipai kapin Treasury te an rawk a nih kha a ti bawk.

    Pu Hawla chuan, India in Aizawl a rawm Bomb kha tha ka ti hauh lo, mahse, an Sipai te an hual beh mek avangin Bomb hmang lo thei an ni lo. MNF te khan India sipai te an cho chhuak tlat a ni. Politics ah chuan Dikna, Rinawmna leh Pathian tihna a ngai a, 1976 Inremna kha Agreement a ni lo tih Pu Zoramthanga khan sawi mahse 1976 ah leh 1986 ah khan an signed ve ve a ni. Lal thutthleng ken chungchangah pawh Central lama kan hotute khan Helna in he ramah hian hlawkna a nei tur a ni lo an ti a. Nimahsela, Pathian hmaah Lal thutthleng kian turin kan intiam tawh, kian lo thei lo kan ni. Lal thuthleng hi Vai hlau tan chuan ken chi a ni lo a ti bawk.

    Pu Hawla chuan, CBI ko lut turin MNF te hian min ti a, CBI koh luhna tham nia kan hriatah chuan kan ko lut zel a ni. MNF hunlaia inthahna thleng chungchangah Evidence tur chemte te silfai a nih vek hnuah CBI koh luh a ni a, Nimahsela, Pu Zoramthanga khan CBI te hi a tham theih tiin a sawi tawh a, an thil chhuiah pawh puhmawh leh man theih pakhatmah awm lovin a zuzi ta  a nih kha. Kan Sorkar hnuah CBI te chhui tir kan tum leh a, nimahsela, CBI in kan thil chhui tawh kan chhui nawn ngailo an tih avangin ka ko lut thei ta lo a ni a ti bawk.

    Pu Hawla chuan, MNF te hian Lottery ah rinhlelh an nei a nih chuan mipui hma a au au lo hian PIL Case High Court ah theh lut maise tih hi ka chhanna a ni. Rev. Zairema te an beidawn tawh hnu-ah MNF te an Sorkar tukah ka Case an ti nung thar leh thei a, chuvangin min ringhlel a nih chuan ti nung thar leh turin ka ngen let e a ti.

    He hunah hian Dr. LH Chhuanawma, General Secretary chuan kaihruaiin Pu Lalvenhima, MPCC Media Drepartment leh Pu Zohmingthanga Tlau, MPYCC General Secretary te chuan Report pe in Party mipui an kal tha hle a ni

Sd/-
LIANHLEIA
MPCC Media Department

Advertisements
Aside | This entry was posted in Zoram Politics and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s