Zoram Nationalist Party in BJP nen an thawhdunna a titawp

Zoram Nationalist Party chuan MP leh AMC inthlana an thawhpui BJP nen an thawhdunna a titawp
.
July 09, Inrinni khan ZNP chuan BJP an thawhpuina an tihtawp thu hi an thuchhuahah an tarlang a, ZNP chuan an thuchhuahah hian BJP an thlawpna an hnuhdawh chhan hi ”Yoga bakah Hindutva leh thil dang vang” a nih thu sawiin Mizo sakhua leh nationalist humhalh an duh vang a nih thu an tarlang.

ZNP chuan an thuchhuahah hian BJP chu Central-a an sorkar hma leh an sorkar hnuah, MP leh AMC inthlanahte an thawhpui thu tarlangin Thawhpui nuam an tiin India ram Development an kalpui danah fakawm an tih thu an sawi a, kum hnih chuang hret ro an rel chhungin an agenda thuhruk HINDUTVA chu an kalpui nat tual tual thu an tarlang a.
”Bawng talh khap bakah Biak In suasam te hluar chho zel chu India ram pumah Dan inang tlang – Uniform Civil Code hman a nih theih nana hma an lak thar lehna chuan India Union hnuaia hnam tenau leh Hindu sakhua vuan ve lote dinhmun a tiderthawng tan mek a ni” an ti a.

”Tun hnaiah Union Minister for Human Resources Development Ram Shankar Katheria chuan India ram Education chu Hindu sakhaw mila kalpui a nih tur thu a puan baah YOGA chungchangah ram pum huapin tihluihnain YOGA DAY te hial hman luihtir kan lo nih tak avangin Mizoram Kohhran Hruaitute Committee (MKHC) chuan thuchhuah an siam a lo ngai ta hial bawk a ni” an ti a.

BJP kalphungah hian State Unit te thuneihna a tlem thu sawiin Mizoram BJP hruaitute pawhin thu an neih lohzia te, Central lama an hotuten an palzut thin zia te han hmuh hian kan hnam leh kan sakhaw thil lakah hian min hum zawh rin harsa an tih thu leh an ngaih a ngam zawh loh thu sawiin ZNP chuan ”Kohhran hruaituten thuchhuah hial an siam tawh hnu hi chuan thawhpui zel hi ringtu leh hnam rilru putute tan chuan a dikin kan hre thei lo” an ti a. ”Hei vang hian kan sakhua leh kan Mizo nationalism hi tuma mitmei veng lova kan humhalh zel theih nan, BJP hi thawhho pui zel ngam chi a ni dawn em tih uluk taka thlithlai phawt chungin tun dinhmun atan chuan he thawhhona atang hian ZNP chu kan inhnukdawk ta a ni” tiin an thuchhuahah hian an tarlang

Advertisements
Aside | This entry was posted in Zoram Politics and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s