BURMA REMNA PALAI Pu Zoramthanga lo haw: REPORT PE

POSTED by Dingdi

July 11, 2016 (Thawhtanni) Mizo Hnam Run inkhawmah MNF President Pu Zoramthanga chuan (July 4 – 9 chhung) Burma Remna Palai hnathawh (Peace Mission) report ngaihnawm tak a pe.

Pu Zoramthanga chuan, “Burma underground pawl hrang hrangte chuan India leh MNF inremna chu mak an tih leh an ngaihsan a ni a, khatih lai kan founder president, Pu Laldenga finna leh remhriatna, India Constitution a dai khalh thiamna chu ropui tiin, an hrilhfâk,” a ti.

Tun tuma Remna palai hna thawka Pu Zoramthanga zin hi Thailand-a Chiangmai khaw puia Burma Underground leh Sorkar inbiakna kal zelah, an Political Demand an tih thiam theih nana, ‘Workshop on Federalism’ an siama tel tura zin a ni ber a. Hetah hian Burma Underground ‘Ethnic Nationalities’ inti deuh bik – Kachin, Kayah, Karen, Chin, Mon, Arakan leh Shan State pasarih te atangin underground group 17 aiawh, mi 40 an tel thu te, Federalism Subject bik chu Gernam Professor, Mr. Andress-a’n paper presentation neia huna hman thu Pu Zoramthanga chuan a sawi.

Pu Zoramthanga chuan, “Mizoram Inremnna hi hriat chian an duh a, chumi chu hriat chipchiar an duh a ni,” a ti a. ‘India Constitution-a Mizoram Peace Accord dah luh a nih dan; a papercopy zawng zawng a sem thu a sawi a. Mizoram peace accord leh inremna siam a nih dan a hrilhfiah bawk.“MNF leh India sorkar inremna hi engtin nge India constitution-ah in thun tir nghal mai theih,?” tih chu an zawh nasat a nih thu a sawi a. Pu Zoramthanga chuan, Inremna Sign hnan zingah ‘sequence of events’ tih ah, No. 4-ah ‘Inremna tihfel a nih veleh he constitution bill hi parliament-ah putluh a niang a, Mizoram pawh state nihna pek nghal a ni ang,’ tia ruahmanna sign hnan lâwk vek a ni thu a hrilh, tih a sawi a. “Chu chu mak an tih leh ropui an tihna, Pu Laldenga leh MNF an ngaihsanna ti zualtu a ni,” a ti.

Burma Underground te chuan, “MNF te’n State-a UT Sorkar lai lo awm mek, kan luahlan mai theih dan min zawt chik bawk a, engtin nge in tih theih?, min ti,” a ti a. Pu Zoramthanga chuan, “Central-a rorellai Congress party leh MNF party chuan a hrana Inremna sign-in chumi tur chu lo duan sa a nih phawt thuin ka chhang,” a ti a.“Chu inremna ah chuan Mizoram chhungah kan phalna chauh lo chuan hnam dang an lo luh theih lohna Inner Line Permit (ILP) te, Mizo Culture, sakhua leh ram leilung chunga thuneihnatawp kan neih thu te ka hrilh a, chumi an hriat chuan mak an ti hle. Chumi bakah MNF chuan political demand kan siamin a duh apiangin (Kohhran leh NGO) ngaihdan leh rawtna an neihtethawh turin sawmna kan siam thute ka sawi a. MNF leh kan hotupa Pu Laldenga chu hmathlir thui an ti hle a, mak pawh an ti,” a ti.

MNF leh India sorkar inremna anga fel chu neih ve an huphurh deuh va. Chutih rualin Mizorama lo kal a, a hmun ngeiah chianglehzuala zir an chak thu an sawi, a ti a. MNF leh India inremna ah khan a khawi lam mah mah kan tlawm ‘insurrender’ emaw, chak emaw a awm lo va. Inbiakremna (Negotiated Settlement) angin ‘Memorandum of settlement’ ah pawh ‘surrender’ tih tawngkam khawiah mah a awm lo, keini, MNF lam pawhin kan silai te kha kan hlan ‘handover’ a. Anni lamin thuneihna sorkar lailawk (Interim government) min pe ve bawk tih ka hrilh,” a ti a. “Engkimah India sorkar chu inlo daikhalh bik a ni’, tih chu an sawi dan a ni,” a ti bawk.

Mizo Hnam Run inkhawm hi Pu Raldomana MNSF General Secretary-in a kaihruai.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s