China-in China chhim tuipuiah hmakhawsang dan tlawhchhana intih-thu-theihna a nei lo tih Hague Tribunal chuan a sawi.
Netherlands, Hague-a Permanent Court of Arbitration-in an ruat, member 5 awmna tribunal chuan nimin July 12 khan China-in China Chhim tuipuia thuneihna ‘economic rights’ a phut chu a hnawlsak a, he mi chungchang case hi Philippines put luh a ni.
Judge chuan China hian helai tuipui leh a hausakna pumbilh tur hian hmanlai dan emaw tlawhchhan tur, kum 1947-a siam tuipui map hmang pawhin, a neih loh thu a sawi a. Tribunal chuan a dan, phek 497-na tlawhchhanin China chuan Philippines ram dan a bawhchhia a ni, a ti a, China chuan helai tuipui leh a chhehvel boruak nasa takin a tichhia a ni, a ti bawk.
Advertisements
