LALHMUNLIANI (21) LAWNGTLAI, NAU CHUNGA A THIHNA CHUNGCHANGA MAWHPHURTU NIA SAWI TE INSAWIFIAHNA NGHAK MEK

POSTED by Vanneihthanga Vanchhawng On July 12, 2016

Lawngtlai College veng mi, Lalhmunliani (21), kumin May 1 a Lawngtlai District Hospital-a nau chunga a thih chungchangah Mizoram sorkar chuan a mawhphurtu chunga dan anga hremna pe turin hma a la mek.Hemi chungchanga thudawn danin, Lalrinliana Fanai, Health Secretary-in chawlkar khat chhunga report kimchang thehlut tura Lawngtlai Bawrhsap Dr A Muthamma a hriattir angin, Lawngtlai Bawrhsap chuan he vanduaina thleng chungchang a chhuina chu sorkar-ah a thehlut tawh a, chumi ang chuan an hna thawk tha tawk lo a hriat, Doctor leh anmahni puitute chu engvanginnge hrem loh an nih nachhan tur tih sawifiah tura tih an nia, an chhanna nghah mek a ni.

Tarlan tawh angin, Lallianmawia, Lawngtlai College Veng chuan May 1, 2016-a Lawngtlai Dist. Hospital-a a nupui Lalhmunliani (21) leh a nau pai an thih chungchangah May ni 10, 2016 khan Lawngtlai PS-ah FIR a thehlut a. He thil thleng chhui tur hian Mizoram sorkar chuan Lawngtlai DC a hriattir nghal a ni.

Lalhmunliani hi a nau pai avangin April 30, 2016 zanah Lawngtlai District Hospital-ah a lut a, a tuk May 1-ah nau a hring a, mahse naute chu thi sain a piang a. Lalhmunliani pawh May 1 chhun dar 1 velah a thi ve leh ta a ni.

Lalhmunliani hian damdawiinah enkawlna a dawng lo a, medical duty-te’n an ngaihsak tha duh lo niin a pasal, Lallianmawia chuan a sawi a, damdawi-in hotute lam erawh chuan an theih angin an buaipui niin an sawi ve thung.

Lalhmunliani nau chunga a thih danah hian Lawngtlai College Veng V/C leh NGO Joint Action Committee-te chu lungawi loin, May 10, 2016 tlai khan Lawngtlai Areopagy-ah an pungkhawm a, Lalhmunliani leh a nau hrin thi ta sunna hun an hman bakah,resolution an pass a ni.Lawngtlai College Veng V/C leh NGO JAC-te chuan, Lalhmunliani’n Lawngtlai Civil Hospital-ah enkawlna a dawn tur ang a dawn loh thu te, damdawiina thawkte an inthlahdah thu te, damdawii nah mi hausa leh mi rethei ang khata enkawl an duh thu te, Lalhmunliani leh a fa thihnaa mawhphurtute sorkarin chhui chiang se, an phu tâwk hremna pek an phut thu te, mitthi chhungte hnenah zangnadawmna pe tura sorkar an phut thute anlo tarlang tawh a ni.

Central Young Lai Association hruaitute pawh­in Lawngtlai CMO Dr HC Thangkima hmuin, Lawngtlai Hospital-a thawkte inthlahdah chungchangah CYLA an ngawih mai mai dawn loh thu an lo hrilh tawh bawk a ni.

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents, Zoram History and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s