NURSE JAIL TAN TIR VANGIN MNF PARTY THINRIM: EMERGENCY MEETING KO NGHAL

POSTED by Dingdi

Lunglei nurse jail ah tan tir a ni.

MNF in an party worker nupui thlavang an hauh.

  • MNF ten an party hruaitu nupui thlavang hauh
  • Lunglei nurse thiamloh chantir a ni

July 13, 2016 (Nilaini)-a Lunglei Chief Judicial Majistrate, H. TC. Lalrinchhana’n thiam loh chantira Lunglei Staff Nurse, Pi Lalbiakdiki District Jail-a a khung chu, NNF General Headquarters Aizawl leh MNF Sub. Headquarters Lunglei chuan a ngaihtuah nghal a. Ni 14.7.2016 hian Emergency Meeting Aizawl leh Lungleiah an ko nghal ve ve.

Nurse Pi Lalbiakdiki man a nih chungchangah Politics inrawlh ngeia an ngaih ngheh tlat thu MNF hotu te chuan an sawi a. Congress sorkar chu sorkar hnathawk; anmahni thlawplo leh tranlo tu nia an hriatte chunga Sapatal nasa-a an ngaih thu an sawi bakah, a theih dan dana an hrem thin thu te, pawisawi lo tepawh an Nupui pasal, an chhungkhatte MNF party-a inhmang an awm chuan an hrem miah miah thin, tih MNF hotu te chuan an sawi.

Hemi avang hian September 2014-a Lunglei Civil Hospital a, nausen thih chungchangah khatih lai Nurse duty te zingah Pu Vanlalpeka, MNF Lunglei Sub. Headquarters Information & Publicity Secretary ni lai nupui, Pi Lalbiakdiki (staff nurse) mal thlur bik a, khalh fâl a nih dan te, thiam loh chan tir ngei tura nawrna kawngah MLA thenkhat pawh an inrawlh ngei nia hriatna a awm thu an sawi a.

Hetianga Staff Nurse in ama thuneihna piah lam khawih anga puh a nihna hi thil pawmawm a nih theih loh thu thil hrechiangtu te chuan an sawi a. Doctor te’n tih tur an hrilh chin bak eng case mah khawih tur an nih lohna te, Damlo/Nau nei turte chu Damdawi In-a Admit leh Release an nihna kawngah thuneihna leh tih theih reng reng nurse in a neih loh laia, Doctor te hmer telna pakhatmah nei lo va, hleih nei taka investigation kalpuiah MNF hotute chuan an ngai nghet tlat tih an sawi.

Hetih mek laia Politics phuba lak duhna vanga Staff nurse Pi Lalbiakdiki chunga dan rorelna lekkawh a ni ta hi, MNF Party chuan engti kawng maha an hriatthiam loh avangin, a tul anga na taka chet an tum thu an sawi a ni.

Advertisements
Aside | This entry was posted in Zoram Crimes and Accidents, Zoram History and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s