Zu Zawrhna In Neitu Chanmari West-in Ensan, Kohhranin Thunun

POSTED by Dingdi

  • Chanmari west Presbyterian Kohhran in Zu zawhna in neitu phuar

Chanmari West-a zu zawrhna in neitu, Pu Lalramliana te chhungkua chu khawtlangin an ensan bakah, an lawina Kohhranin nizan khan an thunun.

Chanmari West Joint Action Committee Chairman, Pu John Zosangliana chuan, Chanmari West huam chhung, Sairang road-a zu dawr thar, Minons Wine Shop hi Pu Lalrinsanga, Zemabawk veng ta a ni a, Chanmari West-a Pu Lalramliana in chhawng hnuai berah, June ni 27 atang khan zu dawr hi a hawng tan a.

Zu dawr a hawn hma hian Chanmari West kawtlang hruaitute chuan hmaichhanah vawi tam tak zu dawr hawn an remtih loh thu an hrilh bakah, lehkha pawhin an hriattir tih JAC Chairman chuan a sawi. Hetianga kawng hrang hranga an ngen tawh hnuah pawh, zu dawr a hawng lui hram hi an khawtlang zah lohna nasa takah an ngaih thu sawiin, a building neitu, Pu Lalram liana pawh, a in chu zu dawr atana luahtir lo tura vawi tam tak an ngen hnuah pawh June ni 27 atanga zu dawr an hawng ta mai chu pawi an tih thu, JAC Chairman chuan a sawi a, an ngenna pawisa lova palzut an nih tak avang hian, Chanmari West huam chhunga Kohhran leh tlawmngai hrang hrang tangrual thuchhuak angin, July 11, thawhtanni atang khan he dawr kawtah hian an lo pung khawm tawh a. Joint Action Committee ruahman angin, Inrinni lo awm tur thleng khian, Zu dawr kawtah hian an inthut chhawk tawh dawn tih JAC Chairman chuan a sawi bawk.

Hetia zu dawr kawta an thu khawm chung hian, zu dawr neitute hian an zu dawr chu an hawng tho a, mahse zu hi lei tum an awm lova, Joint Action Committee chuan zu lei tumte chu lei lo turin an ngen dawn tih an sawi.

Chanmari West khawtlang chuan zu dawr atana a In luahtirtu, Pu Lalramliana te chhungkua hi an chhiatni fund an pe kir a, In neitu hming chhutna, YMA-in an siam pawh lak thlaksak an nih bakah, an chhungkua hi an veng thlan muala phum an remti dawn lo bawk a.

An lawina Kohhran chuan Pu Lalramliana te chhungkua an phuar bawk a. Zu zawrh hi an tihtawp chuan chuan heng phuarna zawng zawng hi an hlih nghal vek tur thu, JAC hruaitute chuan an sawi bawk.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents, Zoram History and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s