NURSE LALBIAKDIKI HREMNA TUR KARLEH THAWHTANAH COURT IN NGAIHTUAH DAWN

POSTED by Vanneihthanga Vanchhawng On July 15, 2016

    <liLunglei nurse Lalbiakdiki'n thiamloh chang

  • Hrem dan tur July 18 ah puan tum

Lungleia Civil Hospital Lunglei a nausen thih chungchangah hetih laia Nurse duty Lalbiakdiki w/oVanlalpeka Ngente Rahsi veng Lunglei thiamloh chantira Jail-a zankhat a riah hnuin July 14 khan Lalbiakdiki hi court hmaah inlan tir leh a ni a, a hremna tur hi kar leh Thawhtanniah puan turin court chuan dahtha ta rih a ni.

Nurse Lalbiakdiki Ukil leh a tanrualpuite chuan CJM hmaah hian hriatthiamna an ngen a, chhuah zalen turin an dilpui a, hetihlai hian Prosecution lam Ukil te chuan Medical lam hnathawktuten an fimkhur nan leh court zahawmna tura thutlukna a lo siam tawh chu kaltlangpui tura an duh thu an sawi ve bawk. Dr HTC Lalrinchhana CJM chuan karleh Thawhtan lamah court thutlukna hi puan turin a dahtha ta rih a ni.
July 14 a Lalbiakdiki Court hmaa a inlan dawn hian Mizoram Govt Nursing service Association( MGNSA) Lunglei te chuan an thawhpuinu tawrhna chu an lainat tih entirnan poster/thuziak te kengin court tualah an fuan khawm a, an thawhpuinu tan chuan theihtawp chhuah an tum thu an sawi a, hetih lai hian Lalbiakdiki court atanga a lo chhuah hian nikhawhre lovin a tlu nghal a, Civil Hospital panpui a nih hnuah a harh a, biak theih a ni a, nurses sick room-ah admit a ni.

July 14 a Dr HTC.Lalrinchhana CJM chuan Lalbiakdiki chungchanga rorelna dem zawnga Party thenkhatten a pasal an party mi a nih vanga thiamloh chantir tura umzuibingna nei niawm taka Social Media a tarlan awm chu sawi langin Politics lamah awn lam a neih loh thu tarlan nan MLA electionah hian vote a la thlak ve ngai loh thu sawiin helam kawngah chuan a fihlim thu a sawi.

Lunglei tualchhung chanchinbu Vulmawi chuan Dt.24.9.2014 zan Dar 8:30 vela Lunglei Civil Hospital-a nau nei Lalchansangi Lunglei Venglai a kawmnaah Lalchansangi chuan a nau neih la thi lo pui Nurse ten a thi tiin Polythene-a pack a hawnpui tur cheu in an ti che u em ni, tia a zawhna chu chhangin naute nu Lalchansangi chuan, ‘Aw ni e’ tiin a chhang a, naute upnaah an up leh a, nau te a tap nasa an han en chuan nau upna khawl chu a lo in on lo tih a sawi a, naute pa pawhin Ni 27.9.2014 chhun dar 12 velah a thi tih nurse ten an hrilh leh a, a thi pawm hawnin an pawm hawng a, In thlen hnuah a thilo tih hriain Damdawiin an tlanchhohpui leh a, tlai dar 5:30 velah a thi ta tih a sawi niin Vulmawi chanchinbu hian 29th July, 2014 chhuakah a tarlang a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents, Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s