SIHPHIR DAIAH PARACHUTE A UAI THLA LAI HMUH A NI, AMAH HMU LO

POSTED by Vanneihthanga Vanchhawng On July 16, 2016

Nimin tlai dar 5 vel khan Sihphir khaw chhuah lam daihnai, Dakla lui thlang zawn velah Parachute in mi pakhat a tum lai hmuh a ni a, rampalaileng ngawpui chunga chutia rawn tum ta ngawt mai chu mak an ti a, daihnai mai a nih avangin tlawmngai thenkhatin an zuk ngaihven a, engmah hmuh an nei lo.

Mita hmutuin a sawi danin parachute hi a bial chi, paratrooper hoin an hman ang chi a ni a, sang taka a awm lai chuan a lengkual deuh dalh dalh a, a rawn hnai thla tial tial a, mi pakhat a uai tih chiang takin a lang thei ta a, a ke a tawm tih pawh a hmuh theih niin a sawi. Lei a thlen dawn chuan a tla chak hle a, chutia ramhnuaia rawn zuang thla ta ngawt mai chu mak an ti hle a, YMA hruaitute hriattir an ni a, tukin lamah a tlakna lai hmun enchiangin engemawzat chu an liam thla leh tawh a, he thu buatsaih lai hian engmah hmuh an la nei lo.Sihphir Dakla lui ram vel hi ram chhengchhia a ni lova, ram pharh tha tak ngaw hmun a ni.

Hetih mek lai hian khua atangin entlang hmangin thenkhatin an han thlir chuan ngaw karah puan var phe hlap hlap an hmu a, a hmuna zuk enchian tum te nen phone in an inhrilh fiah ngial pawhin an thil hmuh awmna lai hi an la hmufuh hleithei rih lo niin thudawnna chuan a sawi bawk.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s