Nice khawpui a motor in mipui chil

July 14 khan France ram chhim lama Nice khawpuia pawi khawihna rapthlak takah mi 84 an thi a, mi dang 50vel an hliam. France ramah hian nizan khan Bastille Day an tih, kum 1789-a lal thuneihna paih thla tura mipuiin tharum thawha an beih tanna champha an lawm a, Nice khawpuia hal mawi en tura tuipui kama mi tam tak pun khawmna hmun atanga haw tura an inbuatsaih laiin, mi pakhatin mipui tamna hmunah motor lian a khalh lut a, km 2 vel a tlannaah mi tam tak a su hlum a ni. Pawi khawihtu hi kah hlum a nih hmain, motor a tihdin hnuah pawh sipaite leh civil mite hi silaiin a kap nia sawi a ni bawk.

Hliam zinga 18 chu an na hle tih Interior Minister, Bernard Cazeneuve chuan a sawi a, thi zingah hian hmeichhia leh naupang tam tak an tel tih a sawi. Pawi khawihtu hi Tunisia mite thlah, kum 31 mi nia hriat a ni a, a motor-ah hian silai lehbomb-te pawh hmuh a ni.

France President, FrancoisHollande chuan hei hi mi firfiakte thil tih ngei niin asawi a, nikum November thlaa Paris-a mi firfiakte pawi khawih avanga emergency puan, tun thla ni 26-a tawp tur pawh thla 3 pawh sei a nih thu a puana ni. Nice hi Mediterranean tuipui kam, Italy ramri bula awm a ni a, nizana thil thleng avang hian mipuite chu pawn chhuak rih lo tura tih an nih bakah thubuai lian tak tak ziah luh a ni tawh a, pawi khawihtu hi Intelligence leh Police-ten an chhuizui dawn a ni.

US President Barack Obama, European Council President, Donald Tusk leh ram hrang hrang hruaituten he pawi khawihna hi an dem thu sawiin, France mipuiten ram hun hlimawm tak an hman laia hetiang thil a thleng hi pawi an tihthu an sawi.

Source : Zonet

Advertisements
Aside | This entry was posted in World News and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s