Tuirial Hydel Group YMA in Remna Ni an hmanna a President thusawi ~A CHINCHHUAK LAW LAW IN AW.

Tuirial Hydel Group YMA huaihawt a Remna ni kan hman na a Vote of thanks sawi pah a ka thusawi țhenlai dik chiahlo deuh a post, Fb leh Whatsapp lamah a lo darh ve nual a, he thil vang hian inbox leh whatsapp ah te thu ka dawng nual a, ka ti mahmah ni a ngai te, ât khat thil deuh a ngaite, min faktu te an awm pawlh nuaih takah chuan ka thusawi kha a chinchhuak in han sawi law law ila.

MLA fund: YMA ten budget ruahman lawk miahlo a Remna ni lawm kan huaihawt takah chuan sum mamawhna asang hle a, bialtu MLA pahnih kan neih te țanpuina dil ve tawp mai ang kan ti a, Pu Hmingdailova Khiangte Tuirial Constituency bialtu hnen ațangin Cheng 30000 lai kan dawnga a chungah kan lawm takzet a, chutih rualin kan bialtu ni tho, Serlui Constituency MLA .Pu K.Lalrinthangan țawngkam hawihhawm pawh hmang duh lo a, “YMA hnen a hetiang a hman tur fund pek tur ka neilo tih tlang takin ka hrilh ang che” min ti kha nâ kan ti, MLA te hi kan nu leh pa an ni a, midang tana inpe YMA hian puih a ngai ve fo a, kan mamawh kan thlen theihlohna MLA hi kan mamawh lo, kum 2018 election ah chuan party kan sawi lo, YMA ten kan mamawh kan thlen ngamna ngei MLA kan nei tawh tur a ni.

Serkhan to Bagha road: He kawnglaih hna thawktu Contractor te hian 24 month chhung a zo hman turin contract an sign a, kum 5 hnu ah pawh laih zawhloh la tam lutuk hi in rahbehna ah kan ngai, 24 month hi a rei lutuk kan ti.

Tin, he kawng laih in a tihchhiah Thlai leh ram hlutak neitu ten India danpui in a phal ang a an thlai leh ram tihchhiat zangnadawmna chengkhat mah an la hmulo mai pawh ni lovin, an hmuh tur zat takngial pawh tuman an la hrelo hi hriatthiam har kan ti a, kan rilru a na takzet a ni.

Rural bank: Bukpui khua ah hian Rural bank a lo awm tawh țhin a, mipuiten țangkai takin kan lo chhawr tawh țhin a, HPC boruak vang khan a Area chhung nilo chungin hmundangah sawn sak kan ni a, Remna muanawm tak kum 30na meuh kan hman tawh hi chuan kha Bank kha Sorkar hian min ngaihtuah pui leh se kan ti.

Power dept: Bukpui ah hian Electrict sub station hi sorkar hmasa lamah tawh khan hawn alo ni tawh a, tun thleng hian a nihna tur ang a function a la ni lo a, Sub station anih ang tak a function ni tawh se kan duh mange.

Sentlang to Bukpui 33kv line leh Bukpui to N.Hlimen 11line hi siamțhat ngai em em a ni a, ruah asur hlek chuan power hi supply ngam a ni lo zel a, hei hi dept hotute nen pawh kan sawiho tawh țhin a, anni pawn ațulzia hria in sorkarah pawh proposal an lo thehlut daih tawh a, hei hi kan sorkar hian min ngaih pawimawh sak se kan duh takzet a ni.

Kan khuallian zahawm tak hi i chungah kan lawm hle rualin heng kan harsatna te hi a hmun ngei a min rawn hmuhpui a theihtawp chhuah a i bial tan a țan la lehzual turin kan duh che a, chu chu vawiin a kan sawm chhan che hi a ni.

Kan khualzahawm Dr K.Beichhua MLA pawh, heng kan harsatna te a tak a min rawn hmuh pui a ațul ang zel a hma min lakpui tur leh Hause ah pawh min au chhuah sak turin kan duh che a, chu chu kan sawm chhan che a ni.

Remna muanawm tak kum 30 kan neih tawh lai hian he tlangdung hnufum tak hian hmasawn ve hi kan chak a, phu pawh kan in ti ve a ni.

Hetiang ang deuh vel hi a ni e.

Advertisements
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s