ANTIBIOTIC HMAN FIMKHUR NGAI – Dr. C. Lalrampana

Mizote hi rilru hman hmawh mi, chaw pawh muang changa ei thiam meuh lo; hna thawh tur leh tihtur reng reng pawh khek khal lova tih zawh nghal vat vat duh chi kan ni a, daikal/inthiar paha ha nawh leh hmai phih te, kawr/kekawr hak paha mawza leh pheikhawk bun tum tlat thin kan ni deuh tlat lehngal vei nen. A dawtte tea thil tih zawh thiam lo thiltih laklawh lai zo chiang hman lova thil dang tihsanleh daih ching kan ni bawk vei nen, a hahthlak thei hle.

Hetiang hi kan mizia a nih hlawm nual avangin dam loh ni khua paw’n damdawi chak pui pui eia dam nghal vat vatduh kan ni tlangpui a, chuvangin, Damdawi ni mah se kanbasa ngam lutukna lamah Damdawi sang pui pui, a nihna leh a hna thawh dan emaw, a nghawng tha lo (side effect) ngaihtuah chiang mang si lovin miin “Hei hi chumi khami atan chuan a tha” an tih vang ringawta ei ve pawp pawp kan ching thin. Chutiang zelin damdawi ziarang leh nihna hre chiang tak tak chuang si lovin “Hei hi ei ve rawh kei paw’n ka ei a emaw, chumi khami pawh chuan a eia a tha lutuk” tia daktawr aia thiam zawk leh hre zawk ni awm taka Damdawi inrin chawh ve mai maite kan ching hle niin a hriat theih.

Natna tuartu lahin tak tak emaw tiin, dam vat vat a duh luatah mi thurawn chu Daktawr thusawi ang hrima ngaiina ring/ awih tak tak a; engmah sawi set set lovin a ei veleh pawp mai bawk thin a. Hei hian natna vei loh tur chidang dang vei/tawrh belhna a thlen ta thin a ni. Engvang nge tiherawh a ngaihtuah chhunzawmleh tawh chuang lova, a tawrh loh tur tur natna tam tak a tawrh belh phah fo thin.

Tun tumah hian Natna inkaichhawn theih siamtu/thlentu bacteria thattu damdawi, antibiotic drugs basa ngan taka ei pawp that lohna thlur bing ila. Antibiotic hi chihrang tam tak a awm a, chung zinga pakhat ‘Chloromycetin (Generic) chungchang hi bihchiang hmasa ber teh ang.

CHLOROMYCETIN (GENERIC)
He Damdawi hi Chloramphenicol kan tih mai thin kha a nia, Chlornitromycin tih a ni bawk thin. Taksa bung hrang hranga natna hrik te reuh te te Bacteria thattu Antibiotic Drug tha ber khawvel ram hrang hrangin an hman lar leh chelek ber a ni. Santenpui benvawn enkawl dam nan leh ulcer hrik nei thattu atan pawh a tha hle.
A HMANNA:
Chloramphenicol hi natna satliahah hman mai mai loh tur. Damdawi tha leh chak tak a nih avangin antibiotic drugs nep zawkin a tihhlum zawh loh bacteria-te thah nan chauh hman tur a ni. A chang chuan Antibiotic damdawi chi dang nen an pek pawlh bawk thin. Amaerawhchu, heng natnate atan hian hman loh tur a ni:
1. Hritlang
2. Awmna
3. Irh thur/hrawk na/thip
4. Natna hri leng (Virus) satliah

EI DAN TUR:
Chloramphenicol hi chaw ei hma darkar1 a la awmin emaw, chaw ei kham darkar 2 hnuah emaw tuisik thianghlim rial no khat nen ei thin tur a ni a, ni 1-ah vawi 2 zing lam leh tlai lamah ei a pawi lo. Ei theihnghilh erawha pawi tih hriat tur. Chuvangin, ei theihnghilh (missed dose) awm lo tura inven fimkhur hram hram tur.

A NGHAWNG THALOTE:
Chloramphenicol-in a nghawng theih tam tak a awm a, chungte chu hengte hi a ni:
1. Kawpuar/pum puar
2. Vun uk dum
3. Mut chhuak
4. Thawk harsa leh mumal lo
5. Taksa lumna a titlahniam
6. Irh thur/hrawk thip leh khawsik
7. Thi chhuak leh pem
8. Chaklohna leh chauh ngawih ngawihna/nguaina
9. Vairuaina/chiangkuan lohna
10. Khawsik tlun
11. Luna leh luhai
12. Mit kham
13. Mit vai
14. Taksa chawmawlh
15. Kutke chak lo leh zawi.

Heng a nghawng hun chhung hi chawlhkar 2-3 emaw thla 2-3 thleng pawh a awh thei a; chuvangin, nghawng a nei tih hriat veleh i Daktawr rawn lai hraittir vat tur a ni.

FIMKHUR NGAI:
A hmaa Damdawi dang ei laite nen inmil lo awm thei a nih avangin Daktawr hnenah engkim fiahfai kelhin hrilh thin tur. Chubakah heng natnate hi i nei mek a nih phei chuan zep nei hauh lovin sawi ang che. Chungte chu:
1. Thisen var tlakchhamna (anaemia)
2. Thisen sang/hniam
3. Hliam leh pem
4. Thisen kal tha lo (Blood clot)

Chloramphenicol hian thisenah harsatna a thlen theih avang leh thinna/thin thalo (liver disease) a thlen theih avangin taksa chak lo, thisen nei tlem leh natna dang nei lai tan chuan Daktawr rawn lova ei mai mai loh tur a ni. Hei bakah hian hahni thite a thlen thei a, chuvangin, he damdawi ei lai hian ha nawhna toothbrush leh ha kherna tooth pick-te hman fimkhur a ngai hle bawk.

DAMDAWI INKHAWIH TAWNNA:
He Damdawi ei lai hian damdawi dang ei loh tur chi inkhawih buai thei chi a awm avangin heng damdawite hi ei loh tura hriat lawk tulte chu a ni.
Citalopram Voriconazole.
A mamawh tel tlat chang a awm chuan heng hi hman tel chang a awm fo tho bawk. Chutiang a nih chuan Daktawrin a dose a thlak danglam a ngai thin a ni. Chlorampenicol i ei laia heng damdawite hi i ei tel a nih chuan nghawng tha lo tak tawrh awl tak a nih rualin eikawp hi inenkawlna tha tak a ni thei lawi si a ni. Chung damdawite chu hengte hi a ni:
1. Ceftazidime
2. Chlorpopamide
3. Cyclosporine
4. Dicumarol
5. Fosphenytoin
6. Phenytoin
7. Rifampin
8. Rifapentine9. Tacrolimus10. Tetanus Toxoid11. TolbutamideKhing damdawite nena eikawp a ngaih chuan Daktawrin ei dan tur dose a thlak danglam a ngai chawk thin.EI THEIHNGHILH LOH TURI damdawi ei lai hunbi i pela i mangnghilh a nih chuan i hriat chhuah rual rualin eileh nghal la, i ei hun pangngai ahnaih viau tawh erawh chuan ei lo law law la; a hun pangngaiah eileh chauh tur a ni. I theih nghilh zawn fo chuan a bul atanga i tan thatleh zel a ngai thung tih hrethiam ang che. Hetiang a nih avang hian theihnghilh miah lovin a hun takah ei zat zat thin tur a ni.DAH THAT DANDamdawi dah that danah fimkhur hle tur a ni. Bawm chhin phui tha hul thaah dah tur a ni a, naupang khawih phakah dah loh tur. Hmun hul fianrial, ni eng chhun lohnahmun, hmuar leh hnawng lutukin a tihbuai lohnaah dah that thin tur. Damdawi thi tawh (expired) kawl reng chin hi damdawi thi tawh ei sual palh awlsam theihna ber a nihavangin a thi tawh apiang paih bo nghal zung zung THIAN tur a ni.

Advertisements
Aside | This entry was posted in Health and Lifestyle and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s