BEISEINA NEI HRINGNUN

  • Beiseina hlut zia
  • Beiseina hi damreina a ni

Indopui II-na thlen tirh lai khan Juda psychiatrist pathum hi Vienna khawpuiah an cheng a. An zinga pahnih chu Master an ni a, pakhat erawh an hnung zuitu, zirlai a ni thung.Master pakhat zawk hming chu Sigmund Freud a ni a. Kum tam tak chhung mihring chanchin zirin mihring nih chhan a chhui a. A tawpa a hmuh chhuah chu mihring dam chhan ber chu hlimna hi tih hi a ni. Kan nun dante leh kan thiltihte hian a tum ber chu hlimna hi a ni a ti.

Master dang pakhat hming chu Alfred Adler-a a ni a. Mi nung chang leh zia zirin kum tam tak hun a lo hmang tawh a. A thianpa Master Sigmund Freud-a thil hmuhchhuah chu a tawmpui ve hauh lo mai.Mi zawng zawng hi tihtheih nei lo leh mahni insit reng rengin kan thanglian a. Chuvang chuan hringnun hi thununna hnuaiah a awm a, kan dam chhan chu thiltih theihna leh thuneihna neih hi a ni a ti thung.

A pathumna, tlangval, Victor Frankl erawh hi chu an zirtirtute hnungzui tuma a inbuatsaih laiin, Indopui II-nain a nangching a. Hitler-a ral lak atangin a Master pahnih, Fraud leh Adler te chu bibo thei mahse ani chu a vanduai zingah telin, man a ni a, Nazi Condentration Camp-ah kum li zet khung a ni.

Tichuan, Indopui II-na a tawp hnu chuan Frankl-a pawh chu concentration camp atang chhuah a ni a, a eizawna a chhunzawm veleh thei ta chauh a ni. Lung in a tan chhunga a thil hmuhte chu a chhut let a, thilmak danglam tak a hmuchhuak. Mi hrisel leh chak te an thih puk puk laiin , eng vangin mi chak lo leh bawrhsawm zawkte thi lova an dam khawchhuah theih? Eng vang nge ni ang le? Eng thilin nge kha hremhmun atang khan dam khawchhuah tir?

Frankl-a chuan a zirtirtute theory chu a ngaihtuah let a. Master Freud-a hmuhchhuah, hlimna theory chu a hman tlak loh. Kum li chhung chu natna, tuarna leh hnuaichhiahna rapthlak tak tak bak tawn hriat an nei lo. Hlimna, lawmna tihte chu a hriat pawh an hre ngai lo. Hlimna chuan a dam khawchhuah tir lo tih chu a chiang a ni.Master Adler-a theory, thiltih theihna chu mihring mamawh hmasa ber tih hi a dik thei ang em? Chu pawh chu an tan chuan a dik thei lo hulhual. Concentration camp-a an awm chhung zawng khan amah leh Juda mi, tang ve dangte chuan thiltih theihna chhete pawh an nei lo. Silai kaw hmawr hmaah an kun a, ransa ang maia enkawlan ni a, mi kephah hnuaiah an kun a ni. Thiltih theihna an nei lova, thuneihna pakhat mah an nei hek lo.

A tawpah chuan, Victor Frankl chuan theory thar a hmuchhuak ta. Dam khaw chuak ta te leh thi ta te inan lohna chu beiseina neih leh neih loh vang a ni. Beidawng ngai lo leh an hringnunah beiseina nei tlattute chu an dam khawchhuak thei a. An rilruah, an tuarna chu eng tik niah emaw a la tawp ang a, an tan kawl a la eng ang a, zalen takin hringnun hi an la hmang dawn a ni tih beiseina an neih vang a ni. Dam khawchhuak tura mihring mamawh hmasa chu hlimna ni lovin, thiltih theihna ni hek lovin, Beiseina a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Health and Lifestyle and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s