FAKE UNIVERSITY – Dr. C. Lalrampana

  • Fake university awmzia

Internet Website, & Social Media hrang hrangah India rama University lem (Fake University) list thehdarh cham a ni thin a. University Grants Commission (UGC) hnuaia mi ni lo, institution hrang hrang hming list tar chhuakin “Fake University” tiin an sawi thin. Hei hi zirchian a tha hle.

Khawvel ram dangah leh India ramah ngei pawh UGC hnuaia intulut ngai lo, Institutions changkang leh rintlak, mahni kea dinga inrelbawl, autonomous Body leh Governing Body hrang neia Professional Degree leh Certificate/Diploma pe thei tam tak an awm; Hengte hi “University lem (Fake University)” tih an ni deuh ber. UGC thlir dan atang chuan a dik thlap. Mahse, UGC hnuaia mi ni lo Institution rintlak tak tak atanga chhuak hna tha tak tak vuan leh cchhenfakawm tak tak an awm. Chuvangin, University lem (Fake University) ni lovin, UGC hnuaia mi ni lo Zirna in (Unaffiliated Educational Institutions to the UGC) an ni tihna a ni zawk.

Fake University chungchang hi chhui zau chhin teh ang:

ZIRNA IN LEM (FAKE EDUCATIONAL INSTITUTION/UNIVERSITY):

Tun hma atanga tun thlengin Sorkar Sikul ni lo Zirna in-Sikul leh College (purely private) engemawzat a awm; heng atanga zir chhuak mi chhawrnaawm leh hlawhtling tak tak tam tak an awm; UGC-in a pawm kher lo, mahse, Zirna in lem ni lovin zirnain dik tak an ni. Chutiang bawkin UGC-in “Fake University” tia a tar chhuah thinte hi Sorkarin sum leh paia a enkawl loh vang leh UGC atanga Grant-in-aid an dawn ve a rem loh avangin“University lem (Fake University)” tih mai chauh niin a lang. A lem erawh an ni lo.
English Medium School/College/Institutions/Private Institutions tam berte pawh hi Sorkar-ah Sikul hawn phalna permission/Society Registration neiin anmahni ngata inekawlin Certicate & Marksheet/Degree/Diploma an pe thei vek a, Public/Board Exam ngai lo Class hniam zawk pass-te pawh mipui leh Sorkarin kan pawmpui vek tho va; UGC-in a pawm a ngai chuang lo, a lem erawh an ni chuang lo. Mi rintlak leh tha tak tak an chher chhuak hnem tawh. Chuvangin, University lem emaw zirna in lem tia Website leh Social Media hrang hranga han aupui chiam chiam chi niin a lang lo. Sorkar ang erawh chuan Sorkar hna lak nan behchhan a theih loh va, a zirtute’n Sorkar hnaa luh kher tum lova thiamna an duh avanga lungsi taka heng Institution-te hi an pana an zir chhuak duh a nih chuan a tawk a ni mai a; lo sawiselsak chiam chiam hi a tulna a awm lem lo.

THEOLOGICAL COLLEGE LEM:
India ramah Semrampore College (Theology Department) leh a zawmtu Aizawl Theological College etc. an awm a nih chuan heng tih loh India ram Theological College hrang hrangte hi UGC hnuaia kun Theological College an awm lo mai thei. Mahse, Ram dang Theological College atang leh India ram chhunga Theological College hrang hrang atanga zir chhuak Degree sang pui pui nei leh mithiam pui pui Kohhranah chhawr kan nei thin. Hengte hi UGC-in a pawm lo, mahse, Theological College lem an ni lo. A tak taka awm ngei an ni a; UGC pawm loh an nih pawhin Kohhran mipui erawh chuan kan pawm a ni.

PUITHIAM/PASTOR/EVANGILIST/KOHHRAN UPA LEM:
Sakhaw hrang hrang betute’n Puithiam/Pastor/Evangilist/Kohhran Upa etc. kan neihte hi Kohhran/Pawl Committee/Board leh Assembly/Inkhawmpui lianin tling leh tlaka a ngaihte chu a ruat thin , heng hi Kohhran/Sakhaw hrang hrangin ihe lovin kan pawm a; UGC-in a pawm kher a ngai lova, mahse, a lem tihna an ni lo. Milem behovi’n Puithiam (Rishi/Monk) leh Pracharak etc. an ruatte pawh kan pawmsak loh theih ngawt a nilo. UGC hnuaia University-a zir chhuak vek erawh an ni hauh lo.

JOURNALIST LEM:
Media lama thawk tam tak an awm. Hengte hi Mass Communication & Journalism-a degree/Certificate/Diploma neite chauh ni awm tak an nih laiin Mizorama Journalist fel tak tak leh thiam tak takte hi chutiang chu an ni vek kher lo. Mahse, a bikin Pu Vana, Pi Mali, etc. LPS te, Nl. Zonuni, Pu Biakthansanga etc. Zonet-te leh Nitin Chanchinbu lian deuh deuh Vanglaini, Aizawl Post, Zozam Time etc. leh kartin, thlakipa etc.-a chhuak chanchin bu Editors etc. te hi Journalism Degree/Certificate/Diploma nei lem chuang lovin an hna an tlin em em; mipuite hriatna lama tuihalna an phuhruk zo hle. Mahse, UGC-in a pawm chuang lova, Mipuiin kan pawm thung. Chuvangin, Journalist lem an ni tihna a ni chuang lo.

A LEM DANGTE:
UGC hnuaia awm Authentic University/College/Institute pawh ni engang mah se, Examination paltlang lova Degree hrang hrang, Certificate leh Mark sheet an hralh chhuak a nih ngat chuan a hralh chhuaktu institution kha Fake University dik tak chu a ni zawk a, a leitu degree/Certificate/Diploma neitu kha a lem (Fake) dik tak chu a ni bawk. Zirtirtu leh Sorkar hnathawk tam tak zingah tun hmain State dang Board/University atangte’n degree/Certificate/Diploma leiin zir miah silovin Document tha tak tak an nei thei nia sawi a awm thin; Sorkarah hna an hmu a; tin, Sipai tan nan mi tam takin Pawl 8 zir lovin Passed Certificate an la a; Sipai/Police/IV Grade etc.-ahte an lut a; heng zawng zawng hi a nihna takah chuan lemchanna vek a ni; mahse, tumah a nihna takah kan inkher buai lem lova vawiinthlengin tha takin kan khawsa tlang dial dial a ni.

A TLANGKAWMNA:
UGC-in tunhmaa ‘Fake University’ list-a a tar chhuah fo zinga mi Bhartya Shiksha Parishad (BSP), Lucknow, Uttar Pradesh chuan ‘Fake University’ a nih leh nih loh swifiah turin UGC chu Supreme Court of India, New Delhi-ah a khing a; Chuvangin, UGC Let. No. F2-2/91(FU/MPC) dt. 05/03/2003 chuan “Bhartya Shiksha Parishad, Lucknow Recognisation chungchangah Supreme Court thutlukna a chhuah hma chuan engmah hma lak theih a ni lo” tiin a tarlang; Tunah chuan Fake University list-ah a tarlang ngam tawh rih lo.
BSP atang hian Mizorama Zirtirtu engemaw zatin B.Ed passed-in Pay benefit an tel a. Mahse, UGC pawm a ni lo tia Complaint a awm avangin tihtawp lawilawk a ni a; Pay benefit an tel mek erawh Cancell a ni chuang lo. Khitiang khian UGC-in Fake University-a a tarlan thinte hian intiam rualin UGC hi Supreme Court-ah ‘Writ Petition’ theh lutin khing ta se, UGC hian thiam loh a chang mai ang em tih ngaihtuah tham a ni. A chhan chu ‘Fake University’ tia a tarlan thinte atang hian mi tam tak hlawhtling leh zir mek an awm avangin Supreme Court hian a favour lo thei dawn lo niin a lang. Chuvangin, “Fake University” tia theh darh vak vak hi intihtheihna chi vak niin a lang lo.

Eng Institution atang pawhin chhuak ila mahni theuh hi kan dik a, rintlak kan nih a pawimawh zawk tih i hrethiam ang u.

Advertisements
Aside | This entry was posted in General Knowledge and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s