HMEICHHE HO KHA

POSTED by Keimah Keuh

  • Hmeichhe hip dan
  • Kuthnathawktu chanvo

Tlangval pakhat chu inhlawhin hna athawk turh turh a, a zial leh kuhva man pawh a thawh chhuah liau liau a alei ani. Chumai nilo in a hnathawh hlawh chu a chhungten inchhung khur mamawh lei nan te an la hmang leh zel bawk a. A van fakawm em.

Mahse maw chu tlangvalin hna a thawh lai chuan a bul ah a hmel hriat nula hi arawn kal a, chu nula chuan a bul a tlangval hnathawk mek chu hmelhriat loh ang mai leh tlangval chuan a rawn biak hlauh hmel fahran chuan a rawn melh deuh zek2 a, inthiar fihlim san nghal dan chu a dap nghal ruai2 a. A awm ve tho mai kha tlangval hnathawk thlan in abual mek leh thawmhnaw bal bawr ve fipfep inthuam hmelhriat nih kha chu a chakawm loh pawh a ni mahna.

Mahse maw, kan ti hram teh ang. Kha nula khan a zahpuilo ani tih hriat tak a rawn bia in, ‘I CHAU TAWH EM’ tih zawhna ringawt pawh rawn sawi se, tlangval tan kha chuan nileng a hlimna tham atling mai nilo in, inhlawh leh zel pawh phur tak a thawh chhuah pui tham a ni tih hria se chuan tiang kha chuan a hriatloh kal pelh hmiah hmiah bik lo ang mawle.

Tlangval pakhat chu achhungte petrol man a dil a, zial leh kuhva an thenawm dawr ah a ba phei nghal bawk a, bike a chak tawk a tlan chhuakin, a thiante dawr ah game khel turin dawr kawt ah chuan a inhung fel mawlh mawlh2 a.

Tlangval hnathawk lai hmelhriat nih duhlo nula chuan a va hmu chiah chu, chu tlangval chuan a hre lo palh ang tih leh a lo be duh lo palh ang tih hlau ni awm fahran chuan, a sam pawr deuh an chul mam thuak2 a, ralkhat atang chuan a ban vai lauh2 pahin, nui deuh har2 pah chuan ava au lang lang a, a lam pana va tlan pahin ‘a ei dawn mi le’ tihtur khop a hnaih ah a va dinchilh a, miten an rawn hmu lo ang tih hlau niawm fahran inti thei fahran in an hawi kual vel ah!

Chu hnathawk mek tlangval chuan thlir vung vung pahin, ‘Aww.. hmeichhe ho hmelhriat tha ni tur leh, khawihmun ah pawh an zahpui loh a, hlim taka an biak ngam bawrh bawrh ni tur chuan hnathawk lo a, changkang taka inchei a, chhungte thawh chhuah sa hmanga, lo in penparh a lo tawk reng a nih hi’.. a ti rilru neuh2 a.

Advertisements

About Mizo Archive

I'm the one who collect the best writings of Mizos
Aside | This entry was posted in Fifth Column and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s