Nangmah leh Pathian inkâr a ni !

(Thu ngaihnawm ni lo, thufing leh dik, thutak hi tun ṭum chauh zawng inthlahrung takin hralh a tlak loh êm êmna Mizote zingah hian ka han post ve mauh teh ang. Kan lawm leh kan tuipui zawngte hi thil ho leh thuvuvuk mai mai ni hian ka hre ṭhin si a)

Mi tam takte hi âtthlak taka nungin awmze nei miah lova khawsain mahni hmasial leh mahni chauh inngai pawimawh an ni fo. Nimahsela, ngaidam fo rawh.

Mi ngilnei leh zaidam taka i nun i hman avangin miten mahni hmasial emaw thil tum ruk emaw neiah an ngai ţhin ang che. Ngilnei takin awm tho rawh.

Hringnuna hlawhtlinna i chanin ţhian suak tam tak leh hmelma dik tak i chhar ngei ang. Hlawhtling tho tho rawh.

Mi rinawm tak leh mahni ngaihdan dik tak sawi mi i nihin miten an bumin i chungah verther takin an khawsa duh mai ang.Rinawm nih ţhulh suh la, thudik sawi bansan chuang suh.

Kum tam tak chhûnga i thawhrah i rohlute zan khat thil thuah mi tu emaw vangin a thamral thei. Thawhrim ţhulh chuang suh.

Thinlung hahchawlhna leh hlimna dik tak i chharin miten an itsik ţhin che a ni thei. Hlim taka awm chu bansan chuang suh.

Vawiina mi chunga thil ţha i tih kha miten naktukah an theihnghilh si ţhin ang. Thil ţha tih ţhulh chuang suh.

I theihna sang ber khawvel tân pe mah la, a la tawk zo chuang lovang. Nimahsela, khawvel chu i theihna pêk bansan chuang suh.

I hria em ? Heng zawng zawng tawpna chu Nangmah leh Pathian inkâr a nihna hi a ni. Nang leh Anni inkâr thu a ni ngai lo tih chu.

Advertisements

About Mizo Archive

I'm the one who collect the best writings of Mizos
Aside | This entry was posted in Health and Lifestyle and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s