Vawk Pul Hri Vanga Thi 3613

  • Vawk pul hri vanga thi zat
  • Mizoram District hrang hranga vawk thi zat

Kumin April thla atanga vawk pul hri, PRRS leng avanga vawk thi zat chu 3613 a tling tawh a, vawk hri hian Mizoram District 5 tuam tawh.

AH & Vety department-a Doctor te niminpiaha PRRS leng mek chungchang an sawihona ah vawk thi zat hi tarlan a ni a, PRRS in a nuai nasat ber, Champhai District ah chuan vawk 2943 a thi tawh a,
Serchhip District in dawtin 322 a thi a,
Lunglei ah vawk 230,
Aizawl District ah 131,
Lawngtlai ah 50 leh
Saiha ah 40 a thi tawh bawk.

Hetihrual hian vawk thisen endik atangin vawk PRRS hrik pai hmuhchhuah zat pawh Champhai District ah tam berin vawk 2214 chuan PRRS hrik an kai tih hmuhchhuah a ni a, Serchhip, Lunglei, Aizawl leh Lawngtlai ah te pawh PRRS hrik pai vawk thahnem tak hmuhchhuah a ni tawh bawk.

PRRS chungchang Vety Doctor ten an sawihona, Technical Consultation Meeting hi Jt Director Dr Hmarkunga’n akaihruai a, PRRS avanga Mizoram sum leh pai dinhmun nasa taka a nghawng dan te, Prevention and Control of infectious and contagious diseases of animal Act 2009 hnuaia hmalak dan tur tean sawi ho a, Director Dr Saingura Sailo chuan PRRS chu leng zel thei a nih avangin tirem tura theihtawpa hmalak a tul a ni a ti a, PRRS natna Mizoram atanga tibo tura hmalak dan turte huamzau takin an sawiho a ni.

Hetihlai hian vawk hri PRRS avanga vawk thi thar awm meuh tawh lo mahse, Champhai District Magistrate chuan PRRS laka Mizoram a fihlim theihna turin Myanmar atanga vawk lakluh khapna thupek thla 2 dang atan a pawtsei leh a.

Champhai District Magistrate Pu Vanlalngaihsaka chuan CrPC Sec. 144 tlawh chhanin thupek thar hi a ti chhuak a, ram dang leh State dang bakah District dang atanga vawk lakluh leh khua leh khua inkara ran phurh kual te a khap a, vawk thi reng reng ramhnuai leh daipawna theh thang lova phumbo vek turin mipuite a hriattir bawk.

Kumin April thla atanga Vawk pulhri (PRRS) leng avang khan Champhai khawpui chhung bakah Bungzung leh S. Khawbung huamtelin vawk 2800 chuang a thi a, Champhai District huamchhung bikah vawk 3000 vel a thi a ni. Tunah hian he hrileng hian zia-awm lam pawn tan tawhin vawk thi report a awm tawh rih lo tih Champhai District Vawk Vulhtu Pawl hruaitute chuan an sawi a, Champhai Butcher Association bakah Champhai District chhunga saser thinte chuan June thla laihawl vel atang khan vawksa thianghlim an ser tan leh tawh a, mipui lamah pawh vawksa ei serhna a awm tawh lem lo niin sa ser thinte chuan an sawi.

Source :DD News

Advertisements
Aside | This entry was posted in Zoram History and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s