Legal Metrology-in Koinonia Plant enfiah

July 16, Inrinni Lengte-a ‘Koinonia Mineral Water Plant’ chuLegal Metrology Deputy Controller, Pu Laldawngliana leh Inpector pahnih – Pu Chalneihkima, Pu Johny Zonunmawia bakah Manual Assistant Inspector Hmingthanpuia te chuan a hmunah an enfiah a, thuthar thehdarhtu mithenkhat an tel bawk.

Koinonia Water Plant an tlawh chhan hi tunhnaiah Legal Metrology department te hian Mizo siam tui thianglim (Mineral Water) siamtu pakhat ‘Zo Aqua’ tui bottle kâwma ziahlan tur ‘complete declaration’ ah a siam hun leh an bungraw siamchhuah mihring tana a him chin bithliah an tarlan loh vangin anman a. Hemi tum hian ‘Koinonia Tui thianghlim’ pawh an siam chhuah ni leh thla, kum te a intarlan loh vangin an man bawk a. Hemi chungchang hi a hmunah an enfiah a ni.

Kononia Water Plant, Manager Pu Edentharmawia Ralte sawi dan chuan, an Koinonia tui thianghlim siamna khawl, Genman Alpha Jet Company siam chu a Bottle kawma an chhut kaina Khawl bik, ‘Control Print’ chu tunhnaiah a chhia a. A chhiat hun chhung hi kar khat vel chauh a nih thu a sawi a. Tunah chuan an factory pakhat zawk, ‘Numbu thei tui sawrna khawl’ a mi chu la-in, an hman thu a sawi a. A manufacturing date an chhut kai leh vek tawh thu leh mipui tan engmah hlauhthawn tur leh ngaihthat lohna tur a awm loh thu a sawi a, an tui thianghlim siam chhuah apiangte chu dahkhawl ‘stock’ awm hman lovin, tharlam takin an sem chhuak nghal zel tih pawh a sawi a, “a hlui leh in tlakloh a awm hman lo, kan siam chhuah a piang kan thawn chhuak a, kan supply hneh meuh lo zawk a ni,” a ti.

Legal Metrology hotu te paw’n Koinonia tui thianghlim siam chhuah chu tha leh thianghlim an tih thu an sawi a. An tui siamchhuah leh an ‘koininia thei tui’ bur pack felsa te chu a tehna hmanga tehin 250Ml bur leh, 500Ml, 750Ml te pawh a tehkhawng tur ang thlap a nih thu an sawi. Kononia Water bottle funna-a ziah lan tur inchhu kai mek an hmu pawh chu lawmawm an tih thu leh, chutianga mipui ei tlak a ni tih chhinchhiahna hmuh theih loh ang chi chu zuar chhuak lo tur leh, department leh danin a phut ang ngeia mipui hriselna atana chhinchhiahna tarlan te chauh zuar chhuak turin an ti a ni.

Koinonia Water Plant hian Mizoram State Polution Control Board atangin June 2019 thleng siam chhuah phalna an nei a. Koinonia Water Plant hi Bureau of Indian Standards (BIS) -in State Level Committee (CLC) for Standardization, Quality Control and Quality Synstem -ah Member ah a ruat a, kum 2016 hian Mizoram sorkar chuan Koinonia hi ‘Best Horticulture Entre-prenuership Award’ a lo pe tawh bawk.

Dingdi

Advertisements
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s