National Oral Health Program sum EIRU A PUH CENTRAL JAIL-AH

National Health Mission hnuaia National Oral Health Programme sum, cheng nuai 5 a bo chungchangah he programme hnuaia thawk, Pu K. Hmingthanzauva’n Anticipatory Bail a dilna chu hnawl a ni a. Central Jail ah khunga ni.

Hnathawktu dang, Pi Lalrinkimi chu a hriselna a that loh avangin Anticipatory Bail pek a ni. National Oral Health Programme sum bo chungchangah hian National Health Mission Director, Dr. K. Lalbiakzuala’n thla hlui, June ni 10 khan Vaivakawn Poice Station-ah FIR a theh lut a, chhui a nih hnu hian hnathawktu pahnih – Pu K. Hmingthanzauva leh Pi Lalrinkimi hian Court-ah Anticipatory Bail an dil a.

An dilna ngaihtuahtu, Addl. District & Sessions Judge – Pu Vanlalenmawia chuan karkalta Nilaini khan a thu tlukna tichhuakin, thubuai chhuituten chak zawka hna an thawh theih nan Pu K. Hmingthanzauva bail dilna chu hnawl a nih thu a puang a.

Hemi hnu hian Pu K. Hmingthanzauva hi Central Jail-ah dah nghal a ni a. Pi Lalrinkimi erawh chu a naupai kaihhnawihah a hriselna a that loh avangin Anticipatory Bail hi a phalsak a, hetih rual hian, thubuai chhuituiten an duh hun huna thu an zawhfiah theiha awm tur te, thubuai chhuina tibuai zawnga khawsa lo tur leh Aizawl Chief Judicial Magistrate phalna tel lova Mizoram chhuahsan lo tura hriattir a ni a.
Heng thupekte hi a zawm loh chuan Anticipatory Bail hi hlihsak nghal a nih tur thu hriattir a ni bawk.

National Oral Programme sum hi thla tin endik thin a nih angin kumin May thla khan Vaivakawna State Bank of India-a an sum awm dan leh Cash book a inziak dan a inmil em tih an endik leh a, hetah hian cheque hmangin cheng nuai 5 lak chhuah a ni tih hriat chhuah a ni.

National Health Mission hotute chuan, National Oral Programme pawisa hi Joint account hmanga dah a nih thu sawiin, pawisa la chhuaktute hian cheque-ah hian Joint Account-a hming ziaktute ang hming phuahchawp ziakin pawisa hi an la chhuak niin an sawi a.

Hemi chungchang hi hriat a nih veleh National Health Mission Director, Dr. K. Lalbiakzuala’n June ni 10 khan Vaivakawn Police-ah FIR a thehlut ta a ni.

Advertisements
Aside | This entry was posted in Zoram Crimes and Accidents and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s