GAS KHAWIH CHINGPEN MAN LEH

  • Gas an tichingpen zel tho
  • Kumpuan duty ten has tichingpen tute an man

Central YMA hnuaia Kum puan duty chuan July 22 Zirtawp khan Khamrang leh a chhehvelah Gas khawih chingpen leh a ruka zawrh, Gas bur tam tham tak an man leh.

Central YMA hnuaia Kum puan duty-te hian an thu dawn bawhzuiin, nizan khan Mualkhang leh Khamrangchhehvel-ah ei rawngbawlna, Gas dan lova zuar thin leh Gas khawih chingpen chingte uluk takin an dap leh a, dan lova zawrh leh tihchingpen Gas bur 45 an man ani.

Gas bur an mante hi Pi Chhingi, New Khamrang hnen atangin bur ruak 8, Ramchhani, Mualkhang hnen atangin bur ruak 1 leh a tak awm bur 18 bakah Nunhlima, Mualkhang hnen atangin a bur ruak 12 leh atak awm bur 6, a vaiin bur 45 a ni.YMA Kumpuan duty-ten Gas khawih chingpen an man bakah hian Mualkhang Bottling plant atanga tun thla ni22-a phur chhuah, Khuma Gas Agency, Chanmary, Lawngtlaia dah tur leh MIZOFED Gas Agency, Siaha-a dah tur, Challana inziak zat leh an bur phurh inmil lote chu an lehkha pawimawhte an hrensak bawk a ni.

LPG phur truck thenkhat, an gas phurh an khawih chingpen avanga Gas bur hrensakte chuan tun thlengin Mualkhang Bottling plant atangin gas an la thei tawh lo a.

Kumpuan duty-te hnen atanga ZONET thu dawn danin, mahni gas phurh khawih chingpen thin, truck Driver leh hnam dang mite hian Mualkhang leh a chhehvel khuaah hian Mizo thurualpui an neih deuh vek avangin Dan lova Gas hralh ruk chhuichhuah kawngah pawh harsatna an tawh phah niin an sawi a, heng an thurualpuite nen hian a hlawkna an insem thin nia thu an dawn thu an sawi bawk.

Central YMA Kumpuan duty-te hnathawh avang hian tun hnaiah Gas khawih chingpen thawm a reh deuh nia lang chu, a khawih chingpentuten an khawihna hun leh hmun an thlak vang chauh niin kumpuan duty-te chuan an sawi a.

Gar phurtu truck Driver leh Hnam dang mite chuan an Gas bur phurh chu a chung lamah a tak awm dahin, a bur ruak chu a hnuai lamah an rem thin tih pawh nizana Kumpuan duty-te hian an hmuchhuak bawk a ni.

Tun tum a Gas tichingpen leh dan lova zuar an man neitute hi Kumpuan duty-ten an man nawn leh a nih chuan an chungah zahngaihna an lantir tawh loh tur thu an sawi bawk.

-Dingdi

Advertisements
Aside | This entry was posted in Zoram Crimes and Accidents, Zoram History and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s