Two Wheeler Taxi leh Public Transport

AUTHOR : On

  • Two wheeler taxi permit pe dawn
  • Two wheeler taxi tlanna tur te
  • Public service motor thlak dan leh permit pek
  • All Mizoram taxi permit tinung leh dawn

Mizoram State Transport Authority chu an Chairman Dr. Franklin Laltinkhuma hovin July 27 khan an thukhawm a, Meeting-ah hian mipui vantlangin an tangkaipui zawk beiseiin Aizawl khawpui chhungah 2-wheeler taxi service turin permit peknise an ti.

Hemi atan hian 2-wheeler register tawh pawh kum 2 aia upa lo chu taxi atan phal a ni ang a, Engine lenzawng 125 cc aia tlem lo a ni tur a ni.

Taxi khalhtu chuan helmet rawng eng a hma lama ‘TAXI’ tih rawng sen a ziak a khum tur a ni. 2-wheeler taxi hi Public Service Vehicle a nih dawn avangin Registration No. Plate pawh a eng tur a ni.

Aizawl khawpui chhung lut lovin khawpui daifem ah Autorickshaw pawh tlan tir tum a ni a.
An service dan tur chu Aizawl Chhim lamah ACBOA office bul, Ngaizel thleng; Aizawl chhak lamah Thuampui; Aizawl Khawthlang lamah Luangmual, Chhangurkawn; Aizawl Hmarlamah Durtlang Leitan thleng an service thei ang a, Aizawl khawpui laili lamah an lut thei lovang.

Public Service Vehicle Replacement chungchang ngaihtuahin – Autorickshaw, 2 Wheeler Taxi, Maxicab, Bus te kum 10 aia upa chu public service atan hman tawh loh nise an ti a. Heng Public Service Vehicle kum 10 chung lam neitute hnenah hian an motor a thara thlak phalsak an ni ang a. Light Public Vehicle hnuailam chu thla 6 chhung motor thlak-na hun pek an ni ang a, Medium Public Vehicle leh Heavy Public Vehicle te chu thla 8 chhung hun pek an ni ang. Hun pek chhunga motor thara thlak lo chu an Permit Cancel tur a ni ang.

Thlak hnu hian kum 5 atan permit pek a ni ang a. Kum 5 a ral hnu ah Fitness Test motor in a paltlang chuan, kum 5 dang pawhsei sak leh theih an ni ang. Hemi hnu hi chuan an permit hi a tawp ang. Motor thlak hi vawi 1 (khat) chiah phalsak tur a ni.

Meeting chuan tun dinhmunah chuan Local Taxi te hi All Mizoram Permit an lak phalsak leh rih an ti a. Mizoramin Tourist Taxi a mamawh tawk a neih hnu ah All Mizoram Permit chungchang hi ngaihtuah nawn nise tiin STA chuan a rel a ni.

(DIPR)

Advertisements
Aside | This entry was posted in Zoram History and tagged , , , . Bookmark the permalink.

One Response to Two Wheeler Taxi leh Public Transport

  1. rklalchungnunga says:

    Thil dang deih tumah khan motor part kadil vea aizawl ah antar chhuak toh Ni OMA,kadilvea hria chuan khogaihin han post the UA lom khop ag,

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s