JAIL TANG TLANCHHUAK PAKHAT MAN, PAKHAT LA MAN LO

July 15, 2016-a Aizawl District Jail atanga tlanchhuak Chawngneihsang (23), Ramhlun North chu July 26 Thawhlehni tlai khan Ngopa Police ten check gate-ah an man a, amah hi 207 pickup-ah midang zingah a chuang a, check gate-a police ten an lo endik laiin a hmai a tuam tlat avang leh a chetdan phungah hlauh nei nia a lan avangin police te hian ringhlelin thu zawhfiah atan an la a, police ten thu an zawhfiahna atangin Aizawl District Jail atanga tlanchhuak a ni tih an hre ta a ni.

Bike ruk avanga Aizawl District Jail-a tang, Chawngneihsanga hi July 15, 2016 khan jail atangin a tlan chhuak a, thla thum chhung tang tur leh Rs. 5,000 chawi tura tih a ni a, thla khat tan a la hmabak laiin a tlanchhuak a ni. Jail hnathawkte indaih loh vangin tang chhuak hnai tawh thenkhat chu hmun phiahtir thin an ni a, Chawngneihsanga pawh July 15 khan hmun phiat tura tih a ni a, Gate No. 2 atangin a relhru nia hriat a ni.

Hetih lai hian tualthah thubuai vanga Central Jail-a tang lai, Lalrindika (26) s/o Vanlalchhuanga W. Lungdar khua tun thla ni 9-a a tanna atanga tlan chhuak chu chin hriat lohin a la bibo ta a, ngawrh taka zawn mek zel a ni. Lalrindika hi West Lungdara a unaupa a kahhlum vanga tang a ni a, a thubuai court-in a ngaihtuah lai mek a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s