MNF Thalai leh an MLA ten Tuirial HEP an en duh a nih chuan an kal man ka tum sak ang” – CM Hawla

MPCC/Media/PR-2016/58 Dated : Aizawl the 29th July, 2016
PRESS RELEASE

29 July, 2016 (Zirtawpni) khan Congress party chuan Congress Bhavan Golden Hall ah Political Session hun hmangin MPCC President leh Chief Minister ni bawk Pu lal Thanhawla leh Pu PC Lalthanliana, Social Welfare Minister ten thusawina hun an nei a. He hun hi Pu RL Vala, Ex- Minister, MPCC General Secretary chuan a kaihruai a ni.

Pu Lal Thanhawla chuan, tunhnaiah India ram khawpui fai leh thianghlim ber zingah Aizawl khawpui chu thianghlimna lamah panga-na kan ni phak a, hei hi a lawmawm viau rualin pakhatna ni thei tura hma kan lak erawh ala ngai a ni, a ti. Pu Hawla chuan, tunah hian Police Constable hna sangkhat chuang a ruak a, kan Home Minister tluka he hna ruak hnawhkhat chak hi an awm lovang, Ramhnuai Sorkar chu nise an hnawhkhat mai thei, tiin a sawi.

Pu Hawla chuan, MNF Thalaite leh an MLA ten Referral Hospital, Ar vulh nana an lo hman tawh, Central lamin an rawn endik dawn avanga Damlo der 50 an dahna hmun, an chin chhiat der tawh chu kan Sorkar hnua kan Health Minister ten an cheibawl tak tak a, mipui hman theih tura hma an lakna te hmuhnawm an tia an va tlawh chhen mai hi a lawmawm tak zet a. MNF Sorkar laia Tuirial Hydel Project, Compensation hmanga an tih chingpen tawh leh a thawktute pawhin an chhuahsan tawh kan Sorkar hnua kan cheibawl that leh avanga kum 2017 a hawn mai theih turte pawh an zuk en duh a nih chuan an kal man ka tum sak ang, a ti bawk.

Pu Hawla chuan, Pathian kan lama a tan theih nan Pathian lama kan tan hmasak a ngai a ni. Zoram mipuite tan Lal thutthleng kan kian ang kan ti a, kan kian a. Mirethei te tan inchung tur Rangva kan sem ang kan ti a, kan sem leh a, NLUP kan sem ang ka ti a, kan sem leh a, NLUP ah mirethei te tan Nuaikhat kan sem ang kan ti a, kan tihlawhtling zel a ni. NLUP hi chhunzawm zel a la ngai a, NLUP hi a hming dang New Economic Development Programme tiin kan thlak a. NLUP a kan tih hman loh Link Road te pawh kan siam dawn a ni. He NEDP copy hi Central lam mithiam, mi tak tak ho ka thawn thla tawh a, min rawn hrilh lehna ah chuan ‘Hetiang Programme tha hi an la duan chhuah pawh kan la hre ngai lo’ tiin min rawn hrilh a. Kawmchhak lam unau ten NLUP hi an hlau a, an sawi chhia a. Tunah pawh NEDP an sawi chhe leh ta a, an tan chuan a hlauhawm reng a ni, a ti.

Tunhnaia Exernal Affairs Minister Pi Sushma Swaraj a hmuh chungchang sawiin Pu Hawla chuan, China-in Myanmar ram chhungah hma an lak nasat thu te, keini pawhin hmalak nasat a ngaih thute leh inkalpawhna ngaihpawimawh a tul zia te ka sawi pui a, ani chuan Proposal te siam zel turin rawtna tha tak min kawhhmuh a ni a ti.

Social Welfare Minister Pu PC Lalthanliana pawhin thusawiin, New Economic Development Programme hi All round Development a ni a, he sum atang hian District tinah CT Scan dah turin kan hotuten ruahmanna an siam mek a. MNF te hian Zoram mipuite chakna hman aiin North East Democratic Alliance (NEDA)/BJP chakna hmanga Sorkar an tum a, BJP te hi Sakhaw tih bik nei party an ni a. Keini Congress Party chuan Zoram mipuite chakna hmanga rorel kan tum a ni, a ti bawk

(LIANHLEIA)
MPCC Media Department

About Mizo Archive

I'm the one who collect the best writings of Mizos
Aside | This entry was posted in Zoram History, Zoram Politics and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s