POLICE OFFICER THILTIHIN MITE RILRU A HNEH

30th July : Vinton khawpui, Iowa, U.S-ah chuan ni a sa vawl vawl mai a, chuti chung chuan putar pakhat hian an kawt phul hnim te chu khawl hmangin a thlo a, ani tar chak tawh lo tan chuan ni sa leh boruak uap churh mai hnuaia hna han thawh chu a tuar zo ta ngang lo va, a mit sulh a, a tlu ta mai a, a thidang zui ta. A thenawm khawvengten ambulance ko nghal vatin damdawi in lamah chu putar chu phurh nghal a ni a, police zinga an officer chuan chu putar hna thawh lai mek chu thawh chhunzawmin kawtlai phul hnimte chu a thlawh zawh sak ta vek mai a. Putar lo thangharhin thil awmdan a hriat chuan chu police officer ngilnei leh fel tak chu tunge a nih hriata lawmthu hrilh a duh a, a tawpah Vinton, Iowa police officer, Captain Eric Dickinson a ni tih a hre ta a. Capt.Eric-an hnim a thlo lai thlalak chu social media-ah thehdarh nghal a ni a, miten thil awmzia an hriatin an fak ta em em a, an rilru a hneh thar hle a ni.

Mahse, Capt. Eric chuan a thiltih chu midang tana tih atan a ropui lua lo va, a nep tham em em niin a sawi a. Hetiang hi nitina ‘law enforcement’ mi leh sa ten dan pangngaia kan tih thin a ni a, thil thar pawh a ni hleinem a ti a ni.

Captain Eric-a chuan miten nitina kan hnathawh dan kalhmang an hre thar hi a lawmawm a, midangte tana malsawmna ni tura inpek duhna rilru thar kan put phah ka beisei em em a ni a ti bawk.

Advertisements
Aside | This entry was posted in World News and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s