EVM VRS SBP – Dr. C. Lalrampana

“Chawngkhum dan tlang huat loh” Electronic Voting Machine (EVM) sawi rik hi chuan rilruah Pu Chhawnthuama hming a lo lang zawk thin. A chhan chu 2013 November General Election-a EVM hman dan khan mipuiah rinhlelhna nasa tak a thlen vang ni berin a lang. A nihna dik tak erawh Pathian chauh lo chuan tuman an hre lo.

Inthlanpui a hnai leh tan ta! Political Party chak lo deuhte chuan Inthlan hun hmain EVM that lohzia hahipin an sawileh chiam dawn tih a chiangsa reng mai. Inthlan Result a chhuah hnuah phei chuan an beisei ang pha lo Party apiangin a tling apiang EVM thatlohna (disadvantages)awm theite fawmkhawmin an chirhthehleh ngei dawn tih chu thil chiangsa a a ni.Engpawhniise, EVM leh Secret Ballot Paper (SBP) thatna leh that lohnate khaikhin tawn tur tam tak a awm a; hetiang hian thlir teh le:

EVM THATNA (ADVANTAGES OF EVM):

Sorkar tan leh mipui (voters) tan hun a heh lova, tha a heh lo bawk a; a awlsam em em a ni.

Ballot paper a ngai ve lova, a thlakna tur Ballot Box hran a ngai lo.

Tum khatah Candidate 16 lai dah len theih a nih avangin a samkhai em em bik.

aVoters tan a hmehna pawl (Blue Button) hmeh zeuha Candidate duh zawng thlan mai theihna a ni.

Voters engzata tam tan pawh hun reilotea felfai taka vote thlak zawh theihna a ni.

Vote Result awlsam taka chhiar zung zung theihna a ni.

Vote thlak hun tawp ruala felfai taka senghawi theih a ni.

Hmun danga awm voters-ten an awmhmun atanga awlsam taka Electronic Mail system hmanga vote thlak theihna hmanraw awlsam a ni.

Mi naran tan khawih chingpen ve mai mai theih a ni lo.

Voters tan engahnge a vote; a duhna takah a vote em tih awlsam taka hriat theihna a ni.

Voter pakhat tan depde taka vote thlak double ve theih a ni lo.

Voters-in hmeh lohna tur a hmeh sualin tu tan mah pawi a thlen ve thei lo.

Voters tan hmeh sual palh thulh a awmin hmeh nawn leh mai theih a ni.

Vote thi a tlem bik a; Candidate tan a hlawk bik.

EVM THAT LOHNA (DISADVANTAGES OF EVM):

PRO tan Voters awlsam taka hruai sual (misguide) theihna a awm.

A hmelhriat chiangtu tan awlsam taka vote rigging theihna chance a awm thei

Candidate-te symbol inhnaihte tea a awm avangin Voters tan tumlohnaa vote a awlsam hle

Khawl a chiangkuan loh emaw, thlak thlengna mai a awm lohvin Voters tan harsatna thlentu a ni.

Mitdel (Blind) vote thlaksaktu tan awlsam taka inbum theihna ani.

EVM hmelhriat tawk lo voters tan awlsam taka tum loh zawk vote theihna awlsam tak a ni.

Dik lo taka votes khawih chingpen duh tan Result dik lo siam theihna chance a awm.Vote thlak laklawh laia khawl a chhiatin voters tan leh Candidate-te ngaihthatloh a awlsam.

BALLOT PAPER/BOX THATNATE (ADVANTAGES OF SECRET BALLOT/BOX):

Voters tan Candidate-te symbol awlsam taka hmuh theihna a ni.

Voters tan mahni duhna taka vote thlak a awlsam.

Dik taka vote chhiar a nih chuan Voters leh Candidate tan ngaih a ngam bik.

BALLOT PAPER/BOX THATLOHNATE (DISADVANTAGES OF SECRET BALLOT/BOX):

Ballot paper leh Ballot Box buaipui nan hun a duh hnem a; a hautakin sumsen a titam

Voters tan leh Polling party tan buaipui ngai a tam a; a hahthlak bik.

Vote tihchingpen (Vote rigging) duh tan a awlsam bik.

Vote thi a tam duh bik avangin candidate tan a hlawk lo.

Vote chhiar nan hun a duh rei a;tihsual a awlsam hle bawk.

Dik lo taka vote thlak a awlsam bik.Vote inlei a awlsamin vote lei a tam duh bik.

Mitdel (Blind) vote thlaksaktu tan inbum a awlsam

Ramdang/hmun danga awm tan mahni kal kher lohvin vote a thlak ve theih loh.

EVM leh Secret Ballot Paper (SBP) hman thatna leh thatlohnate khi ngun takin chhut tawn teh. Duh thlan zawk tur chu i kovah a innghat e. Inthlan neih zawh apiangin a chak lo lam apiangin chauh thu barawhah EVM leh Secret Ballot Paper (SBP) an khaikhin fo mai. Eng thil pawh hian thatna (advantage) leh thatlohna (disadvantage) a nei vek tih i hre thiam mai em? Pu Chhawnthuama’n Inthlan hnuhnungbera EVM hman kha “Radio Wave hmanga monopolize niin a sawi” tihte a awm a; mahse, a nih a rinawm lem loh.

Lok Sabha inthlanpui result; US President thlan Result; British leh Israel inthlanpui Result etc. darker reilote teah an puang zo zung zung thei. Keini Bial 40 lek Result chhiar nan hun rei hman a ngai lo. EVM a ni emaw, Manual a ni emaw, dik lo taka ti duh tan a tih theih vek tih hriat a pawimawh zawk. Kum 1989 inthlanpuiah khan Secret Ballot Paper (SBP) hman a la ni a; khami tum pawh khan MNF party khan Vote khawihchingpen (Vote rigging) awm anga ngaiin “Pi Lalhlimpuii Bawm Nausel khamah an nam lum.” tih thawmte a lar hle a; Guwahati High Court-ah hial inkhinna a awm a nih kha! Eng hmanrua pawh hman ni se, Vote Counting System (VCS) leh procedure a dik chuan a rintlak em em a; Vote Counting System/procedure a dik loh chuan a dik lo thei vek tih a chiang hle bawk.

Kum 2018 inthlanpui lo awmleh turah pawh EVM bawk hman a nih leh hmel a. Eptu Party-te’n an duh loleh viau mai thei. Mahse, a hmanrua lam ni lovin a result chhiar dan Vote Counting System/procedure tidanglam se a dik a ni mai. Local/Village Council leh AMC inthlan ang chiah hian Polling Boot tinah Vote chhiartu tura ruatte’n vote thlak zawh rual rualin Vote tlate chhiar nghal zel se, ‘Vote rigging/EVM monopolize’ tia inmawhpuhna leh inrinhlelhna a bo ang a; hunreiloteah Seat 40 lek result kimchang chu dik takin a hriat theih mai dawn a ni. Election Rules-ah hetianga chhiar hi dan a awm lem lo a nih pawhin Party tinte hian tangrualin hetianga Vote chhiar a nih theih tawh nan Election Commission of India (ECI)-ah nawr hlawhtling se mipui mandate dik tak chu inthlan apiangin a lang thei tawh zawk ang.

Vote thlak zawh hnua chawlhkar 1 chhung emaw, rei tak EVM /Ballot Box sengkhawma Strong room-a kalhkhum hian mipui rinhlelh a tizual a; Sorkar tan pawh Transportation leh manpower-ah harsatna tam tak a belhchhah a; Polling Boot tinah chhiar nghal zel ni se’ng chuan ‘Vote rigging/EVM monopolize’ tih velah sawisel tur a awm lo ber ang a; ECI tan leh State Election Commission/Department tan pawh a samkhai hle dawn a ni.

Advertisements
Aside | This entry was posted in Fifth Column, Thu leh Hla and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s