MNF mipui zingah NEDA (BJP kaihhruai) zawm duh lo tu an tam – Lalduhoma

Mizo National Front (MNF)-in North East Democratic Alliance (NEDA) a zawm chungchangah “MNF hi BJP tuipuiah a pil mek a, an mipui zingah NEDA zawm duh lotu an tam hle a ni” ZNP President Lalduhoma chuan a ti.

ZNP chhung inkhawm Nimin (Dt.1.8.2016)-a party Pisa-a neihah he thu hi sawiin Lalduhoma chuan, “MNF party inti nationalist em em ten NEDA chu sam an phiar zawm ta a, hei hi an chhiatna tur bul a ni” tiin, “An mahni mipuite ngei pawhin BJP kaihhruai NEDA zawm hi duh lo tu an tam hle a ni” a ti a. “Kohhran duh loh zawng policy vuantute chu kan thawhpui ve thei lo a, hemi atanga kan fihlim ta hi kan thla a muang a, kan hnam tan, kan sakhaw tan thil pawi lo thleng ta se MNF hi chuan an do ngam dawn lo tihna a ni” ZNP President chuan a ti bawk.
Inthlan dawn a pianga sawihlawh thin, district thar hawn belh chung changah Lalduhoma chuan, “District thar neih hi kan do e tihna ni lovin, neih belh hi a tul ber em? tih hi ram pumpui huap rilru zau zawk nen kan ngaihtuah tur niin kan hria a. Ngaihtuahna zau zawk hmang turin Mizoram sorkar kan duh a ni” a ti a. Kum 1998 inthlan pui kan neih dawnah Congress in district thar panga (5) an tiam a. Kum 2008 inthlan dawnah MNF party in an intiamna angin Hnahthial, Khawzawl leh Saitual district te an puang a. Hengte hi vawiin thlengin a nih tur anga thuam an la ni chuang lo a ni” a ti bawk.

Mizoram kuthnathawktute’n an hlawhtlin pui tan mek Red Oil Palm chungchangah ZNP President chuan, “Social Media hrang hrangah kan ram tana a that lohna, kan sik leh sa a nghawng dan tur te leh thil dang dang an tarlang tam hle a. Hei hian a chingtute rilru nasa takin a tihnual ngei ang tih a rin theih a. Kan sorkar, a enkawltu department kan mithiamte an ngawi tlat hi a dik lo a. Thuchiang tak, a nih dan dik tak min hrilh hre turin kan phut a ni” Lalduhoma chuan a ti.

ZNP inkhawmah hian Political Affairs Committee (PAC) member Zarzoliana pawhin thu a sawi a. C.Lalvuana, Secretary chuan kaihruaiin, RD Lalrammawia, Gen. Secretary chuan hunserh a hmang a ni.

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Politics and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s