East Lungdar VDP lakah Case siam

East Lungdar VDP-te kut tuara thi nia sawi Lalthanmawia(Malvala) kum 48, S/o Thatliana, East Lungdar Venghlun ruang chu tukkin zing khan a thihna hmun Civil Hospital Aizawl in an post mortem a, Doctor-ten “Misual kut tuara thi” tia an ziah hnuah Aizawl Police Station chuan tualthah case an ziak lut a, he tualthihna hi an chhui zui dawn nia hriat a ni.

August 8,2016 zan khan Mavala ruang hi Aizawl Chhinga vengah a Patea Pu H.Ramzawnga (Chhinga veng Local Council Member) Inah Chhinga veng YMA leh thian rual tha ten an tlaivarpui a, zing dar 8:30 ah Aizawl Civil Hospital-ah Posmortem a nih hnuin, an khua East Lungdar panpui nghal a ni.

Thu kan dawn danin, Mavala hi tlangval a la ni a. A feh kal tur zing zu a rui deuhin a meizial leina dawr bula hmeichhe naupangrual lo awm zinga pakhat, kum 12 mi chu a dulah a khawih sak a.
July ni 25, 2016 a feh haw hnu zan dar 9 velah East Lungdar VDP ten kovin, an dawp a. Mavala hian a fiam satliah mai mai niin a sawi a. Kum 10 hmalama a mi khawih tawhte pawh an dawp a, Mavala chuan amah pawhin a ngaihzawn tleirawl kum 16 mi nen an awm dun dan te an dawpchhuak a. Hei pawh hi a hmeichhia pawhin a ngaihzawn ve thu leh Rs 600 a dil a, a pek dante pawh a sawi niawmin kan thudawnna chuan a sawi.

Mavala hi hemi zan hian amah pawhin In a haw thei lova, VDP-ten an dawpnaah hian a kut hnung khirhin a mit an tuam a, chhuatah bawhkhup tirin an vuak bakah pawh an chil viau niin a sawi.

“July ni 25 zana an sawisakna hliam hi a nat deuh avangin Mavala hi August ni 1 2016 khan Aizawl panpuia ni a. Civil Hospital Aizawl-ah admit a niin a kal (kidney) te pawh an nghaisaknaah hian a chhiat bakah a chuapah te pawh tui a tling niawmin Doctor te chuan an sawi a, a taksa pawnlam te pawh a duk nasa hle a. A hliam tuar lo hian 8 August thawhtan zan dar 8:00 vel khan a thi ta a ni.

East Lungdar Branch YMA Asst. Secretary, Remlallawma hnen atanga thu kan dawn danin, Mavala hian a hma in natna dang a neih awm kan hrelo a, VDP-te kutthlak atang leh a pawi lai deuh an lo khawih fuhpalh avangin a boral ta nia a ngaih thu a sawi a, chutih rual chuan VDP duty zingah Zu han rui an awm a rin loh thu a sawi bawk.

Dingdi

Advertisements

About Mizo Archive

I'm the one who collect the best writings of Mizos
Aside | This entry was posted in Zoram Crimes and Accidents and tagged , , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s