HNA LEM HMANGA INTHLEMNA

Hna tha zawk awm nia insawia Mizoram chhunga awmte Guwahati a inhruai thlaa bum thin leh mi dang bum tir thintute an rem tawh emaw tih laiin tunlai hian hetiang anga buaina tawk buaipui ngai an awm leh mek a, fimkhur tur leh pawisa an phut lawk thin te chu ngaithla lo turin Guwahati Mizoram House hnathawkte chuan mipui an chah.

Thu dawnna in a sawi dan chuan Mizoram hmar lam khuaa chengte chu Rs. 15,000/- vel chawiin Guwahati ah zirna rei lote zawh hnua hna tha zawk hmuh theih nia bumin hruai thlak an ni fo thin a. Thla 2/3 chhunga Retail Sales, BCA, Chartered Accountant course leh a dangte zirzoa hna pek chu Mizo thalaite hnenah sawi hmuhin an thlen thlak hnu hian hlawh pek tur an neih leh tak loh thin avangin an mangang buaina tawk thawn haw leh buaipui thahnem tak an awm tawh.

Hnathawk te chu mi dang 4 zel Rs 15,000/- theuh kenga an hruaithlak theih chuan hlawh pekah tiamin, thalai thenkhat chuan anthiante hruai thla nualin a tawpah mi 100 chuangin buaina namenlo an tawh phah niin House hnathawkte chuan Zalen an hrilh a.’ An bum dan hi sum’ tlachawp network marketing downline ang deuh vir kualtir mai maia innghat a nih avangin rintlak an ni lova, awih lo tur leh Police a report thin turin mipuikan chah a ni ‘ tiin House enkawltu pakhat chuan kan palai a hrilh bawk.

Thu dawnnain a sawi zel danin hetiang a thlen uar lai chu kum khat kalta a ni a, tunah hian hetiang mangang House lamah puihna dila tlu lut an tawng leh tan a. ‘FIR thehluh ah in thurual hleih theih a nih loh avangin mipuite chu media hmanga hrilh hriat vat a fuh niin kan ring a ni,’ tih Zalen an hrilh bawk.

Zalen Sunday 14/8/2016

( He thu hi hretu tam ila ka duh vangin ka han post ve a, dan phal lohte a lo nih palh phei chuan Zalen newspaper enkawltute ngaih damna ka dil nghal bawk e.

RK.Lungmuana Ralte)

Advertisements
Aside | This entry was posted in General Knowledge, Social Life and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s