TUKIN ZING KHAWVAR HMA KHAN CHHUNGKAW 4 LUAH LAI IN A CHIM

  • In a chim.
  • Thi leh hliam awmlo.

Tukin zing dar 3:30 vel khan Edenthar venga MVI office chhak, Lalsangliana petrol pump bul, Chanmari west pan chhohna peng bula Assam type chhawng 4, chhungkaw 4 in an luah lai chu a chim a, thi leh hliam an awm lo.

In chhawng chung ber luahtu Pu Sangkunga hnen atanga thu dawn danin; tukin zing khawvar hma khan a nupui zung tur tho chuan an in ri thet thet thawm a hria a, bathroom kawng khar chu an bang chhak lam lungrem rawn awn thla chuan a nek nasat tawh avangin a hawn theih tawh lova, in chung leh in hnuai te kai thovin an tlan chhuak ta a ni.

He Assam type in bang chhak lam hnuai ber atanga a chhawng thumna thleng hian bang chhak lamah lungrem bang ring a ni a,a chung ber erawh chuan lungrem bang a ring ve lova, a kawmchhak lamah erawh lungrem a awm tho. He lungrem chung lam atanga rawn min thla chuan lungrem pumpui chu ti chein, In hi a nek tlu ni berin a lang.

Chutia in tlu tur ri tuar tuar karah chuan Floor hrang hranga in luahtu te chuan an bungrua te theih ang angin an chuh lui hram hram a, in hnuai ber luahtu Pu Liana te hian an hre tlai deuh nge engmah bungrua an chuh ve hman lova, anni hi puitling pahnih leh naupang pahnih an ni. A chhawng hnihna luahtu Pu Zautea te chuan TV, Steel Almairah leh thutthleng te an la chhuak hman hram a, anni hi puitling pahnih leh naupang 3 an ni a, chhungkaw member 5 an ni. A chungber dawttu luah tu Pu Sangkunga chuan gas bur a pu chhuak hman hram a, bungraw dang an chuh hman lova, inchim karah an thutthlengsei pakhat chu him takin an la chhuak hram. Anni pawh hi puitling pahnihleh naupang 3 an ni a, chhungkaw member 5 tho an ni. Inchung ber luahtu Pu TK-a te hian eirawngbawlna gas bur khat an pu chhuak hman hram bawk. Anni pawh hi chungkaw member 5 tho an ni.

He Assam type in hi Pu C Roliana Edenthar venga cheng chuan a enkawl thin a, a neitu tak hi thinglang lama awm Pu Chhuana niin an sawi.

Chhiatna a thleng tih an hriat veleh tlawmngai an tlankhawm nghal a, Khawtlang hruaitu ten rorelin in chhe senghawi dan tur an buaipui nghal a, information centre siamin tanpuina pawh mimal leh pawl anga pe an awm tan mek niin hriat a ni.

Advertisements
Aside | This entry was posted in Zoram Crimes and Accidents and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s