VANAPA HALL CHANCHIN NGAIHNAWM

AUTHOR :
  • Vanapa Hall sak hun.
  • Vanapa Hall satu leh sak dan
  • Vanapa Hall hming hmasa.
  • Vanapa Hall hming put dan.

Kan hmanlar em em Vanapa Hall hi hrelo kan vang hle awm e.

He Hall satu hi Pu K.Sangthuama (tuna MLA hi) Electric Veng Aizawl,1st Class Contractor a ni a. Ani hi Minister te pawh lo ni tawh kha a ni.

A satu hian contract hna a nih avangin phuai takin a sa lo a, a hna a thatzia hi kum 1979-1983(kum 30 kalta) daiha sak si, vawiin thlenga mipui tam tak dawlzo leh chul theilo a nihna hian a tarlang awm e.

A design tu hi Er.Saithanzama (Fam) Asst Architect,PWD a ni bawk.
A contractor hian fak a phu hle a ni.

Vanapa Hall sak nan hian vaibelchhe 1 dawnlai sen a ni a, engineer te chhutdanin tunlai huna sak nise vaibelchhetak 1 lai sen a ngai tawh ang an ti.
A sak hunlai hian thir(rod) quintal 1 hi cheng 300 niin,cement bag 1 cheng 30 a ni a,mistiri cheng 20 leh labour cheng 10-in a la chhawr theih a ni.

A ban hi Mizorama building banah chuan a la lian ber a, a ban lian eng emaw zat hi feet 12 a seiin a vet tawk a ni.
A gallery span pawh a dona ban awm loin ft 60 a zau a ni a, beam pakhatah thir(rod) quintal 60 lai hman a ni. A pumpui sak nan hian thir quintal 3000 chuang hman niin,cement bag sing chuang zet hman a ni.

A balcony ah seat 246, a hnuaiah seat 617 leh VIP seat 20,a vaiin seat 881 a awm a,a dawhsanah hian seat 100 lai a rem theih bawk a. Mi 1000 vel leng thei tura ruahman a ni.

Sak zawh a nih hma atanga Aizawl Theater Hall tiin an hmang tangtai hle a, kum 1980 February ni 29 khan Mizoram Assembly thutkhawm 3na ah Pu C.Vulluaia,MLA rawtna angin VANAPA HALL tia a hming thlak a ni.

Tichuan,Vanapa Hall chu kum 1983 September ni 24 khan Mizoram Chief Minister Brigadier Thenphunga Sailo AVSM chuan ropui takin a hawng a.

VANAPA HALL hla hi khatih hunlaia PWD Minister,Finance Minister ni bawk Pu Lalhmingthanga(Kar a hla tih phuahtu) chuan a phuah a, Nl C.Lalrinmawii chuan thiam leh mawi takin a hawnna ah hian a sa ta a. Kum 1984 chhoah chuan All India Radio,Aizawl Station a hla lar ber te zinga mi a ni.

Advertisements
Aside | This entry was posted in Zoram History and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s