Indian Olympic Medalist te Thil Dawn

  • Olympic a tawp ta.
  • India in Medal 2 nei.
  • Medalist te thil Dawn tur a tam.

Rio Olympics chu zawh fel a ni ta a, kan hriat theuh ang in India ram mihring vaibelchhe tam tak zing atangin nula 2 ten India ram mualpho tur chhanchhuak in Olympics Silver leh Bronze medal an rawn hawn a, chawimawi leh ngaihsan an phu a, khawvel infiammitena khawvela infiamna tualzawla chawimawi nih an chakna ber, Olympics inelna tualzawl thleng tura an beihna hriatpui lo tan phei chuan a sum faia an dawn turringawt pawh hi thik than a ni awm e.
Olympics tan anih atangin engtikah nge, engah nge medal kan lak ve ang tiin Tlumte-a thlir takin kan thlir, bei a dawng rum rum tawh tihah Olympics inelna tualzawl thleng tura kum 12 zet lo intuaihriam tawh, Haryana nula, Sakshi Malik chuan Wrestling-ah Bronze a rawn chai chhuak ta nawlh mai! Ram pum nghinin kan nghing dual a ni ber e. Chutah beisei phak bak chanchin lawmawm tak dang alo thleng leh a, PV Sindhu chuan hmeichhe badminton-ah final a rawn lut ve leh ta.

India tan Gold Medal a hnai… Mahse vanduaithlak takin Sindhu hian final-ah World No 1 ni lai, Spain nula chhelo zet, Carolina Marin chu hneh zo loin Silver a rawn dawng ve leh a ni.

Heng nula 2 te hi kan suangtuah thiam phak bakin an ropui a, sorkar leh mimal, company hrang hrang hnen atangin sum fai maktaduai tel tehmeuh an dawn dawn bakah thil kawng hrang hrangah hamthatna dawn senloh vur an ni bawk a. India ram tan chuan Ram Pasaltha, ram chhanchhuaktu an tling a chawimawi an phu reng a ni.
An pawisa dawn tur, 21 August thlenga hriat theih i han tarlang teh ang:

PV SINDHU – Rs 13.61 CRORE#
Telangana sorkar : Rs 5 crore
# Andhra Pradesh sorkar hnen atang in: Rs 3 crore
# Delhi hnen atang in: Rs 2 crore
# Haryana leh MP, Sports Ministry leh Badminton Association of India atang in: Rs 2 crore (Rs 50 lakhs theuh)
# Bharat Petroleum hnen atang in: Rs 75 lakhs
# Dubhai-a Indian sumdawng, Mukattu Sebastian hnen atang in: Rs 50 lakhs
# Indian Olympics Committee hnen atang in: Rs 30 lakhs
# All India Football Federation hnen atang in: Rs 5 lakhs
# Salman Khan hnen atang in: Rs 1.01

SAKSHI MALIK – RS 5.16 CRORE
# Haryana sorkar hnen atang in: Rs 2.5 crore
# Delhi sorkar hnen atang in: Rs 1 crore
# Railway ministry hnen atang in: Rs 60 lakhs
# Dubai-a Indian sumdawng hausa, Mukattu Sebastian hnen atang in: Rs 50 lakhs
# Union Sports ministry hnen atang in: Rs 30 lakhs
# Indian Olympic Association hnen atang in: Rs 20 lakhs
# All India Football Federation hnen atang in: Rs 5 lakhs
# Salman Khan hnen atang in: Rs 1.01 lakhs

Sindhu hi an Chief Minister K Chandrasekhar Rao chuan an khawpui Hyderabad khawpui-a hmun tha laiah ram, 1,000 Sq yard-a zau an pek thu leh a duh chuan sorkar hna tha tak an pe thei tih a puang a, Andhra Pradesh sorkar pawhin an state khawpui thar Amaravathi-ah ram, 1,000 Sq yard an pe a, a duh chuan Group-I officer hna a thawk thei a, a duh hna a thlan an phalsak bawk.

Heng bakah hian company, pawl leh mimal sumdawng tam tak hnen atangin offer tha tak tak chhan senloh an dawng mek reng bawk a ni.

Hlawhtlinna leh hausakna hi vawilehkhata rawn kal thut a awm lova, anni pawh hian tun dinhmun thleng tur hian harsatna leh buaina tam tak an paltlang a, kum 10 chuang tun dinhmun thleng tur hian an lo fight tawh a ni.

Kan Mizo infiam mite, Olympics tualzawl an hmel hmuh ve hlan a nghahhlelhawm hle mai.

Advertisements
Aside | This entry was posted in Sport News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s