ITALY LIRNGHING……..MAK DANGDAI

Italy ram hi Lirnghing awm duhna ram ni ve hrim hrimin, an sawrkar pawhin Lirnghing hi an ngai thu tak hle reng a. Lirnghing ringawt buaipuitu tur bik Council pawh level hrang hrangah an nei thlip thlep reng ani. An Lirnghing expert , Seismologists te pawh an dah pawimawhin, mawhphurhna an pesang hle.

Tukin , ni 24 August 2016 ( an local time) zing dar 3:32 a Ritcherscale 6.2 a nghin hma khan May 20, 2012 ,an zing dar 4 ah 6.1 leh chumi hma kum 2009, ni 9 April an zing dar 3:36 vel ah bawk, 6.3 in a nghing tawh bawk a nih kha.

Italy Lirnghing te ti danglam em em tu zawk erawh chu a nghin nasat zawng a inang chho put put a, a nghin hun ( time of the day) kha zing lam , mite la mut tui lai zel , an local time zing 3-4 ani chho ta ngat ngat mai bakah kum 2009 Lirnghing avanga an Court thubuai mawlh kha ani.

April ni 9, 2009 a Lirnghing pui a rawn thlen hma ni 2/3 vel khanPre-Shocks an tih ve bawk, a pui tham a nghin tak tak hma-in mihring hriat tham siin vawi 3/4 vel a rawn nghin der der tawh kha a ni reng a. Chutah chuan an ram Seismologists Council sangberte kha an thu khawm nghal vat a. Ngun taka an ngaihtuah hnu-in, Lirnghing pui rawn awm tur niawma lang kha a hun turtak, a nat zawng tur, khawiah nge a rawn intan ang ( epicentre) leh a lo intanna chiah thuk zawng , a focus tur tih ve kha an hrelawk thei bik bawk silova. Chuvangin mipuite chu tul lo taka an thla bar lohna turin i thlamuan ang u tiin “Hlau lo leh chiai lo turin” an ti ta ngawt a. A hnu lawkah Lirnghing na tak a rawn nghing leh ta si. A hmaa hmun him lama inthiar chhuah lo tum ut ut hote, an chhungte nunna chan leh ta lawi si ho khan chung Seismologists rual ( an rama top 6 seismlogists) te chu Court ah Tualthah / Man Slaughter case in an khing ta hem mai a. An Lower Court chuan Seismologist rualte chu thiam loh chantirin kum 2 lungin tan leh Fine pawh India pawisa 50 million ( maktaduai 50 ) vel chawi turin a ti riap mai kha ania. He thubuai hi a kal chho zel a, 10 November 2014 khan an chingfel ta chauh ani.

Kum 2 pawh la ral hma-in Remruattumaka hian Lirnghing pui bawk, khami kum a mi ang deuh chiah, a nat zawng leh nghin hun ( timing of the day) ah a rawn thlen tir leh ta sak mai.

Thil hi han zir thuk deuh deuh ila Pathian design leh inrawlhna hi a lo ni thei zel mai. Chuvangin roreltute chunga roreltu hi biakpawp theih tum ila chu a fuh ber zel hmel. Lir a rawn nghing huntur te, a nat dan turte hriat chian thlip thlep theih a la nih loh lai hi chuan .. Hlau suh u, a na lovang….. lo tih ve ngawt chi erawh chu ani chuang hauh lo ani.

A then pawh kan hre thei lo, he lui kam atang hian tia HRE VEK TU kutah innghah mai hi a fuh chho zel dawn chu niin a lang.

Advertisements

About Mizo Archive

I'm the one who collect the best writings of Mizos
Aside | This entry was posted in Fifth Column, World News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s