MJA LUNGLEI & NGO’s JOINT MEETINGPRESS RELEASE

Dt. 25th September 2016: Vawiin chawhnu dar 2:00 khan MJA Dist. Hqrs. Lunglei huaihawtin Lungleia tlawmngai pawl (NGO) hrang hrang pasarih (YMA Sub Hqrs. Lunglei, MHIP Sub Hqrs. Lunglei, Chhimbial Chhantu, Mizo Upa Pawl, MZP, MSU leh Lunglei Dist. Sport Commtt.) te chu Lunglei Press Club-ah Emergency meeting neiin, meeting hi Pu Lianchama Chhangte, President MJA Dist. Hqrs. Lungleiin a kaihruai a ni.

Meeting-ah hian Dt. 22nd Sept. 2016 (Ningani) a mi thenkhat tute emaw kuthlei fal zual ten Lungleia Court building leh Judicial Officer Quarters vel suasam avanga Registrar General of Gauhati High Court H. K. Sharma’n Lunglei District and Sessions Judge R. Thanga, Additional District and Sessions Judge Helen Dawngliani and Civil Judge-cum-Judicial Magistrate First Class R. Malsawmdawngzuala te pawt kir a, District and Sessions Judge, Aizawl-ah attached an nih thu a chhuah bakah, Lawngtlai district Senior Civil Judge-cum-Chief Judicial Magistrate Laldinpuia Tlau, Lungleia Circuit court nei thin pawh circuit court neih phalsak a ni ta lo avanga Lunglei mipuiin harsatna kan tawh mek leh kan tawh tur awm thei te thlirin, mi thenkhat kuthlei zual te pawikhawihna thleng chu demawm hle mahse, pawikhawih ve lo mipui ten harsatna kan tawh ve tho avangin District Court Lungleia Magistrate awmte District and Sessions Judge, Aizawl-a attached reng lo va, Lungleiah ngei dahkir leh an nih thuai theih nan Registrar General of Gauhati High Court hnenah leh Chief Minister of Mizoram hnenah ngenna siam ni se an ti.

Hei bakah hian BAR Association Sub Hqrs. Lunglei ten he thil thleng pawi an tih thu leh an demthu an chhuah chu awm an tihpui thu sawi lan a nih rualin, mi thenkhat kuthlei fal zual te pawikhawihna avanga thilti sual ve lo Lunglei mipui ten harsatna an tawh lohna turin Affidavit, Legal Opinion leh documents hrang hrang bakah Advocate inrawlhna chi ho reng rengah thuleh awm hmaa siam an tum loh thu an chhuah chu mipui mamawhna leh harsatna hriatthiam pui a, an thu te sut a, mipui tana theihtawp chhuah chhunzawm zel turin ngen ni se an ti.

Hei bakah meeting-ah hian tunhnai thil thleng chungchangah leh hun dang lehzelah pawh hetianga pawikhawihna thlen fo loh nan District Administration khauh zawka kalpui nise an duhthu sawilan a ni bawk.

Vawiina MJA leh NGO hrang hrang meeting Lunglei Press Club-a neihah hian mi 35 lai telin, NGO hrang hrang atangin an tel tha hle a ni.

SD/-
LIANCHAMA CHHANGTE
Chairman
MJA & NGO’s Joint Meeting

SD/-
K. LALREMRUATA
Minute Secretary
MJA & NGO’s Joint Meeting

SD/-
V. ROKHAWLKIMA
Minute Secretary
MJA & NGO’s Joint Meeting

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s