TUIPUI TOMATO CHINGTUTEN AN TOMATO THAR CHHUAH LEISAK TURIN ZORAM MIPUITE AN NGEN

Champhai District a awm Tuipui khuaa Tomato chingtute chuan an Tomato thar chhuahte leisak turin Zoram mipuite an ngen.

Myanmar lam atang leh phailam atanga Tomato Mizoten kan lak luh nasat avangin tunlai hian an Tomato thar chhuah hralh chhuahna kawngah harsatna an tawk nasa hle tih sawiin Tuipui khuaa Tomato chingtute chuan Tomato chin hi chhungkaw 16 te eizawnna neih chhun leh innghahna awm chhun a ni a, an harsatna hriatthiamsak a, Mizoram leilung a Zofate thar chhuah Tomato chu leisak turin Mizoram mipuite an ngen a ni. Tuipui Tomato chingtute chuan an Tomato chin chu Variety tha chi, a kawr a chhah avangin a chhe har a, a khar chhawngte tan pawh dah thatnaah buaina a tlem bik a, a rah pawh hi thur lutuk lovina tui bik hle a ni an ti.

Tuipui khuaah hian chhungkaw 103 awmin heng zinga chhungkaw 16 chuan ram Tin 20 chuang hmunah Tomato hi chingin Inrinni thleng khan Tomato hi Quintal 600 chuang lai an thar chhuak tawh a. Tomato chin hi eizawnna bulpuiah an hman avangin tunlaia a hralh chhuahna lama harsatna an tawh avangin an buai phah hle a, an harsatna te hriatthiampui a, an Tomato thar chhuahte leisak turin Zoram mipuite khawngaihna an ngen a ni.

Tuipui khuaa Tomato chingtute hian an Tomato chinnaa an mamawh te ngaihtuahsak a, hmalaksaktu – Champhai leh Khawzawl a Horiculture Department, Champhai Agriculture Department, KVK Khawzawl leh BDO Khawzawl te chungah lawmthu an sawi a, Inrinni khan Khawzawl Horticulture Division a DHO Pu Lalhmangaiha leh ADHO Pu C. Zosanglianate chuan Tuipui a Tomato chinna hmun hi an va enpui a ni.

Advertisements
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s