PAKISTAN DEFENCE MINISTER-IN NUCLEAR HMANGININDIA VAU

Mizo te hi kan danglam angreng riau in ka hre thin. Mahni ram heti taka a buai (ruk) em em lai leh sorkar laipui lam an insingsak ruk a, a phet sek mek lai pawh hian kan ram chanchin leh thil kalhmang aiin US president thlan tur tihvel hi kan tuipui zawk daih nia!

Uri a India sipai brigade headquarter firfiak a beihna chuan ram pahnihte inkar khi nasa takin a siambelh zel a, UN-ah hial India (Sushma Swaraj) ang chhuakin Pakistan chu firfiak te tanpui thin leh firfiaka chetna thlawp ah a puh a, Pakistan chu khawvel sorkar dangte zinga thu ve tlak pawh a ni a ti a, Pakistan lam lahngawi mai mai duh hek suh. ‘India hi a kaikuang a ni e’ ala ti ve hram hram zel a, mahse India hian ngawih mai a tum hauh lova, ram venhimna lama thuneitusang leh sorkar mi pawimawh te an inhmukhawm sek a. Ram mipuite nawrna leh phutna a nasa in a sang em em bawk a, PM Modi hovin ‘engtin nge Pakistan hi kan chhanlet ang’ tih an ngaihtuah reng a, Ganga luipui chungchanga Pakistan nena inremna thuthlung an siam te entha in, Pakistan chu ram duhsak bik zing atanga paih tur te in a ngaihtuah mek bawk a ni.

Hetihlai hian Pakistan chuan US thlawpna leh rinna a hlauh tial tial laiin India leh US inhnimhnaih chhoh zel dan erawh a hmu ve reng a chuvang chuan US leh India te el ber, China nena an inlaichinna lam a ngaipawimawh thar a, a tlawn sauh sauh mek bawk.Tun Thawhlehni khan Pakistan Defence minister, Khawaja Muhammad Asif chuan Pakistan TV channel pakhat, SAMAA in an kawmna-ah ‘Islamabad chu nuclear ralthuam (tactical devices) hmang mai turin a inhawng reng a ni a ti a, India nena an inhmuhthiamlohna-ah hian an ram venhimna atan chuan anhmang hreh dawn hauhlo tih a sawi a ni.”Tactical weapons hi kan ram venhimna atana kan siam a ni a, he hmanrua (devices) hi tarmawi leh intihtheihna (showpieces) mai mai atan kan kawl lova, kan ram venhimna atan a ni, India hi kan tichhe (annihilate) vek mai ang,” tiin Asif hian tun September 26-a amah an kawmna-ah hian a sawi a. He thu bawk hi September 17, Uri beih anih hma ni chiah khan Geo TV ah alo sawi tawh bawk.India chuan Uri beihna-a firfiak te kha Pakistan-occupied Kashmir mi an ni tih finfiahna (evidence) te hi Pakistan high commissioner, Abdul Basit hnenah a hlan tawh a ni.Sep 17-a Geo TV in a kawmnaah hian indo a hnai mai theiin i hria em tih zawhna chu Asif chuan, “Chuti ang (threat) chu a awm ka ring chiah lo a, mahse Allah chuan Quran-ah, `Sakawrte chu peih diam rawh u,’ a ti a. Chuvangin englai pawhin kan inpeih at (completely prepared) reng tur a ni. Tacticalweapons hi kan mamawh tawk aia tam mah kan nei a. Kan chungnung zawk a ni tih hi khawvel hriatpui (internationally recognised) a ni. Chuti ang a kan ram dinhmun a hlauhawm ni akan hriat chuan emaw tupawh kan ram leilunga ke rawn chhep an awm a, tute emaw ruahmanna, kan ram security tana hlauhthawnawm a awm emaw anih vaih chuan chung ralthuam te chu mahni invennan kan hmang tim hauh lo ang,” a ti.India nen hian indo ta thut sela Pakistan hian atomic weapons hi a hmang ang em tih zawhna chu, “Hei hi thilawmdan a zir a ni a… Mahse kan defence leh survival hi dinhmun hlauhthawnawma a awm anih chuan engkim kan hmang ang. Eng nge hlauh tur awm?” tiin a chhang bawk.Hetihlai hian nimin khan US defence secretary Ashton Carter chuan India chu “a responsible nuclear state”, tiin Pakistan nuclear neih chanchin erawh chu buaina (entangled tensions) a nia ti a, rintlak leh mumal zawk a an awm theihnan Islamabad leh US chu an thawk tlang mek a ni a ti.

Advertisements

About Mizo Archive

I'm the one who collect the best writings of Mizos
Aside | This entry was posted in National News and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s