TIAMCHIN AWM LOVIN LUNGMUAT-AH SIKUL CHAWLH TIR

26th October, 2016 (MSR) : Lungmuat khua chuan Sorkara an thilphut tihhlawhtlin a nih hma chuan tiamchin awm lovin Zirlaite School an chawlh tir mek.

Thudawn danin Lungmuat High School a General Teacher, Lily Nath D/O Gabar Nath Bualpui North khua chu February thla atang khan Bualpui North-ah Attached a ni a, a aiawh a awm theih si loh avang leh zirtirtu indaih loh avanga School in harsatna an tawh mek hriain Khawtlang leh Zirlai nu leh pate chuan Lily Nath hi a Post Lungmuat High School-a dah let turin ngenna Education Minister leh Parliamentary Secretary hnenah ziakin an lo theh lut tawh a ni. Ngaihtha taka an nghah laiin, dah let chu sawi loh Headmaster tang lai chu sawn chhuah a ni ta hlauh zawk a, hei hi Lungmuat khawtlang chuan hriatthiam har an ti hle niin thudawnna chuan a sawi.

An Headmaster hi Zirna kawnga thahnem ngai, khawtlang hmangaih em em tu a ni a, a ni kaihhruaina hnuaiah an khuain zirna kawngah hma an sawin Matric result pawh tha tak tak kan nei chho zel a ni a. A tihsual pawh ni lova midang (Hnamdang) chhan nana an Headmaster sawn chhuah sak nia hriain khawtlang mipui te an lungawilo hle a, engti kawng mahin a chhuah hi an rem ti dawnlo niin an sawi.

Damlohna chhuanlama kum khat dawn Bualpui North-a attached tawh Lily Nath hi a rang thei ang bera dah let turin Sorkar an phut a, a thawh tirh atanga Bualpui North-a attached nghal a ni a, ‘a dilna anga Lungmuatah hian a thawk peih lo a nih chuan bang ngam sela, a aiawh tur zirtirtu dang lak ni rawh se’ tih chu Lungmuat khawtlang ngaihdan a nih thu an tarlang a ni.

An Headmaster sawn chhuah avanga khawtlang lungawilo chuan 16th Oct 2016 zan khan Community Hall-ah vantlang inkhawm kovin Resolution an siam a. Bialtu MLA Pu.Hmingdailova Khiangte chu Joint NGO aiawh leh Zirlai nu leh pa aiawh ten Dt.19.10.2016 khan an hmu a, Education Minister-ah lehkhain an thlen bawk a. Tun thlenga hmalakna engmah a la awm loh avangin Dt. 24.10.2016 khan Zirlai naupangte chuan School kal lovin School Uniform nen khawchhungah kawng an zawh a, hemi zan hian Community Hall-ah Khawtlang nu leh pa te inkokhawm lehin hmalak dan tur sawi ho leh a ni a, nimin ni 25.10.2016 khan khawtlang huapin kawng an zawh a. Sorkar atanga an Headmaster Transfer Order hi cancel a nih hma leh Lily Nath hi dah let leh a nih hma chuan 25th October 2016 atanga tiam chin awm lovin Zirlaite School chawlh tir turin thutlukna an siam a ni.
Tunkar chhunga Headmaster leh Lily Nath dah letna tura thu lawmawm engmah hriat a nih loh chuan Zirlai Pawlte pawh hriattira na zawk a hmalakna neih tum zui zel an tum bawk a ni.

************************

A JC Charver
Lily nath hi a nu hrawk cancer a vangin damdawiin ah hruai a ni a, mumbai ah kal pui a ni, tin a mah chauh hi an unau hmeichhe awm chhun a ni bawk a, mumbai an awm lai hian a pa hrawk cancer bawkin a na leh a, khawtlang hruaitu ten khawngaih in a nu leh pa enkawl theih nan MLA leh minister te dawrin, an harsatna an lo hriat thiam pui a, Bualpui ah hian attached a ni ta a ni, Hetia dawt hmang a in puh hi thil tha lo tak a ni, Lungmuat headmaster hi ban hial tlak zawk a ni a, an transfere chhan pawh hi RMSA member tam tak phai a B.ed zira zuk kal te sum ei sak a, a tih chingpen vang zawk a ni hial zawkin ka ring

Marty Hmingthana Colney
Jan 2015 khan vanduaithlak takin ka nu chu chawkawng cancer in a na thut a unau hmeichhia keimah chauh ka nia ka nu hi enkawl a lo ngai zui ta a mumbai TATA CANCER hospital pan pui a ngai ta sia. Lehlam ah sikul kal a lo ngai bawk nen thawhpuite duhsakna leh khawngaihna zar ah hun engemaw chen min lo kep in aikal te dah ania ,Thawhpuite an zahawmin an fak awm hle a ni. anni zar ah ka nu chu mumbai hospital ah chuan operation te chemo te hem te tih a ni. hetia kanu mumbai ka buaipui lai tak hian ka pa poh chawkawng cancer bawkin a rawn na ve leh a chhungkua kan buai khawtlang pohin min vei hle a tichuan nu leh pa cancer enkawl reng ngai chu tiin kan khawtlang hruaitu ten MLA ah kan harsat chu an thlen a lungmuat vc te objection lo siam lo tura ngen an nih hnu ah Lungmuat RMSA atangin Bualpui RMSA ah attach in dah k ni a, chuan dt.5.may.2016 ka pa chuan chatuan ram min pan san ta ani.
ka nu hi checkup kal pui zeuh2 ngai reng chau leh thut2 thin a ni. ka nu hi a thatchhuah leh var chu beisei tur a awm lo ani. lehlam ah ka nu leh ka pa hian in sak tumin an lo rel uai tawh, ka pa in min luahpui hmanlo in min boralsan a ka nu tal chuan min luahpui hman se tihna rilru neiin hma kan la mek a.Hetia kan hriatloh leh kan ngaihtuahloh deuh hian mi dang transfer na ah ka hming rawn lang ta daih mai hi a mak ka tiin kei hmeichhia tan chuan tawrhthiam poh a har ka ti khop mai. Kan rilru mangan laia hetiang dawt thu hriat hi a hrehawm tak zet ani.tunah attach a k omna poh hi thla 7 poh a la tling lo a…hetianga k tih loh pui leh k hriat loh thila mn hmer tel reng hi a puitling zia lo khop mai.
(Hei hi a nihna tak Lily sawi a ni e)

Advertisements
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s