MANEKA GANDHI’N UI SA EI DAN KALH TIIN DoNER MINISTER AH THLEN

  • Hmar chhak bial miten ui sa an ei tawh lohna tur leh, dan lova ram chhung hmun dang atanga ui an lak luh thin tihtawp dan tur ngaihtuah turin Women and Child Development Minister, Maneka Gandhi-i’n DoNER Minister, Jitendra Singh a ngen.

    Maneka Gandhi hian DoNER Minister hnenah hian lehkha thawnin, Food Safety and Standards Regulation, 2011-ah ui, zawhte leh ran thenkhat chu ei atana talh thiang lo a nih thu a chuang tih sawiin, ui sa ei dan kalh a ni a ti a, hei vang hian hmar chhak bial, a bik takin Nagaland leh Mizorama dan lova ui lak luha a sa zawrh thin chu tihtawp dan tur ngaihtuah tur leh, ui-a sumdawngten ui an phurh kualnaah zahngaihna nei map lova bungraw dang ang maia an phurh thin pawh chu tihtawp dan ngaihtuah turin DoNER Minister hi a phut a ni.
    Maneka Gandhi hian Nagaland-ah phei chuan state dang atangin a sa ei atan ui 30,000 chuang, dan lova lak luh a ni thin nia sawiin, a ká hnawh chunga buara-a khung a nih bakah talh a nih hmain, ei tur pawh pek a ni lo a, a talhtute pawhin rawng takin an tihlum kher thin niin a sawi a, ui-a sumdawngte hian dan lova silai leh ruihhlo tawlh ruk pawh an ching nia sawiin, he thil chhui tur hian National Investigation Agency rawih mai a duh thu a sawi bawk.

    Maneka Gandhi-i’n DoNER Minister hnena lehkha a thawnah hian Humane Society International-in Nagaland-a ui sa an ei dan a zir chianna report pawh thil tel a ni a, he report-a a lan danin, Nagaland-ah hian ni tin ui 40 vel talh ziah anga chhut a ni a, Kohima leh Dimapur-ah ngawt pawh kum tin, ui 15,000 vel an talh nia chhut a ni bawk a, Krismas laiin uisa hi an hralh nasa zual nia tarlan a ni. Mizoramah chuan uisa ei dan report engmah a awm lo a, kum 2007 khan Mizoram sawrkarin dan lova state dang atanga ui lak luh khapna thupek a chhuah tawh thu tarlan a ni thung a ni.

    – Zonet

    Advertisements
    Aside | This entry was posted in National News and tagged . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s