PRISM-IN ‘MIZORAM WATCH’ BUATSAIH

Thil mak deuh mai chu he Mizoram Watch programme-ah hian kan opposition party pahnih (MNF leh ZNP)-te an tel ve lo tlat mai. Congress tel loh chhan erawh nimin lama Home Minister, Pu R.Lalzirlians’na sawi tawh ang khân, Political party ang thâwthânga an kal vâng te, inthlanpui lo awm leh tûrah PRISM hminga din an tum tih thu te a sawi a, chumi duh lovin Congress party chuan tel loh țha an ti a, vawiina neih tâk, Mizoram Watch-ah chuan an tel ta lo rêng a. Opposition party-te’n rulling party-te dêusawha diriamna hun thâwl tak an nei dâwn emaw tih laiin MNF leh ZNP lehzêl an tel duh ta lo hi eng thlarau hnathawh tak nge ni ang maw? He ‘Mizoram Watch’ hi party worker-te hian bâra khawn tlâkah an ngai ta lo em ni, nge, opposition party leh rulling party hi (tel lo tûrin) a rûkin an lo inthurual reng zâwk? Ngaihtuah a va tithui êm!
.
Keima phuahchawpa rawn sawi ka ni lo a ni! A hnuaia AIR News hi lo chhiar ve teh.
.
Vawiin khan PRISM chuan 21st Mizoram Watch tia an vuah, kum 2009 ațanga an buatsaih țhin, sâwrkarin an election manifesto tihlawhtling tûra hma a lâk țhat leh țhat loh sawi hona hun a buatsaih leh a. Mizoram Sorkarin kum 2013 MLA inthlana an tih tûr tiam zingah tihhlawhtlin an neih hria an awm lo. PRISM chuan vawiin an thuchhuah-ah MPCC kaihhruai sâwrkar chuan an term hmasa Kum 2008-2013 assembly inthlan-a an election manifesto chu țha taka an bawhzui laiin MPCC kaihhruai sorkar tho hian kum 2013 inthlanna an thutiam a bawhzui țha lo hle tih an sawi. PRISM President, Pu Vanlalruata chuan MPCC Party aiawh an tel ve lo chu an hotute mawh a ni a ti a, sorkarin țha taka hna a thawh chu ram leh mipui tân a pawimawh zia hriain sâwrkarin hna a thawh țhat theih nân hma an lâk țhin thu sawiin, vawiina an programe buatsaih pawh anmahni tân zâwk a nih thu leh, term hmasaah țha taka an thutiam an bawhzui khân Mizoram Watch-ah pawh a phûr ber țhin an ni a ti a, tûna an term hman mêkah an thutiam an bawhzui țhat loh avângin mipui hmaa din an hreh zo va, an hruaitute ngeiin ram leh hnam din chhuah nân he programme hi a pawimawh a, PRISM hian a kalpui zêl a ngai a ni an tih țhinah pawh an tel ngam ta lo chu pawi a tih thu a sawi a ni. PRISM chuan kum 2008-2013 term-a tûn ang hun, thla 34 an hman laia an manifesto 10 an tihhlawhtlin tawh laiin tûna thla 34 tho hun an hmana manifesto pakhat mah an tihlawhtling lo chuan mak tih a hlawh hle tih an târlang a, term hmasa khân manifesto 23 an tihlawhtling a ni, an ti. Vawiin programme-ah hian Ruling party bâkah Opposition Party pahnih MNF leh ZNP pawh an tel lo va, BJP leh MPC erawh an kal a. MPCC tel lo chu an hma lâkna thlen chin enin a awm an tih thu an sawi a, MNF leh ZNP tel lo erawh chu mak an tih thu an sawi.

V Kungtea Rairahtea

Advertisements
Aside | This entry was posted in Zoram History and tagged . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s