SAWMA PAKHAT PE HMASA BER

  • Melkisedeka chuan Abrama chu mal a sàwm a, “Lei leh vàn neitu Pathian Chungnungbera chuan Abrama malsàwm rawh se. I hmêlmate i kuta petu, Pathian Chungnungbera chu fakin awm rawh se,” a ti a. Abrama chuan ani chu engkim chu sàwma pakhat a pe a (Gen 14.19–20).

    Bible-a sàwma pakhat lo lang hmasa ber chu he thu hi a ni a, Pathian hnêna pêk ni loin mihring hnêna pêk a ni. Lota chhan chhuaka Abrama râl rûn hâwng chu Salem lal Melkisedeka’n Save ruamah a lo hmuak a; Save ruam chu Lal ruam tiin hrilh fiah a ni a. Anni pahnih chu inhre ngai an nih pawh a lang lo; eng vàngin nge Melkisedeka’n Abrama chu a lo hmuah tih pawh hriat a ni lo. Melkisedeka hi Abrama nèn Pathian biak thuhmun, Pathian Chungnungbera betu a ni a. Abrama leh a thlahte chauh lo pawhin Pathian Chungnungbera (Jehoa) chu an bia a ni.

    Melkisedeka’n Abrama chu mal a sàwm a; a hmêlmate hnehtîrtu Pathian Chungnungbera chu a fak bawk a. Abrama’n a râllâk sum ațangin engkim sàwma pakhat a pe a ni. Tûnlai pawh hian contractor-ten hna petu sawrkar officer hnênah an hlèp ațangin ‘sâwma pakhat’ an pe țhin an ti! Chûng officer-te chuan an hnar phal ngai lo a, an hausak phah țhin; Melkisedeka an tluk lo mang e!

    Keini ringtute chuan sàwma pakhat hi Pathian hnênah pe tùra phût kan ni a; kan pêk Pathian chuan a hausak phah dawn chuang lo. Keimahni zâwk erawh chu Pathianin ‘țhatnain’ min vûr hlauh zâwk ang. Sàwma pakhat pêk hi i ngaihthah lo ang u.
    Revd Chuauthuama Pachuau

    Advertisements

    About Mizo Archive

    I'm the one who collect the best writings of Mizos
    Aside | This entry was posted in Pathian Thu and tagged . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s