Battle for the White House-26

  • November 4: North Carolina (swing state) ah Hillary leh Trump chuan campaign rally nei dun mekin, Florida state ah erawh President Barack Obama chuan Hillary tan campaign a nei thung. Trump tan a nupui Melania Trump leh Texas Senator Ted Cruz pawh che chhuakin, Ted Cruz chu Donald Trump bulah ni lovin, a running-mate Mike Pence bulah a che tla a ni. Hillary pawh Michelle & Obama bakah Bernie Sanders ten an campaign pui nasa.

    President Obama chu Hillary Clinton ai mahin Jacksonville, Florida ah an lo lawm hle a ni. Obama chuan, thalaite leh Latino-ho chu, “Come on, man- Come on. He pa (Trump) hi kan aiawha aw chhuah turin kan duh ang maw!? He mihring hi kum 70 zet a nun pumpui chu thirfiana chawbarh ngaiin a lo hmang liam tawh a, hemi chhung hian a nunah hnathawktu (working people) te zahna reng reng a nei lo ve. A nun pum pui chu celeb-ho nen a hmang ral a, hausa takin a nun a chen a. A changin mihausaho nen hun a hmang ral a, chungte nen leng kual (hanging out) velin, chungah chuan working people an tel ve em ni? Golf club ah a kal leh a. He pa hi champion turin in duh em ni? Working people in nih chuan…Come on…” tiin, vote thlak turin mipuite a sawm a ni.

    Trump chuan Obama hi chhang letin Twitter ah tihian a rawn ziak : “Obama chu Air Force One-ah en teh u. Engvangin nge a campaign kual reng mai le? Hetianga tei kual vel mai mai lo hian Obamacare te kha buai zawk se. Oval office(White House) ah haw vat la, American mipui tan hna thawk mai teh. Ni tin a campaign a, a chhan chu crmininal investigation a nei a, hei hian a nunah harsatna a thlen phah a ni” tiin, Hillary nen a han kap kawp vel a ni.
    Air Force One hi US President chuanna bik tura duan thlawhna kohna a ni. Trump chuan tun hnaia emails 650,000 hmuh chhuah thar vangin Hillary chu awm hle hle theilovah a puh.

    Rudy Giullani, New York Mayor hlui chuan Iowa state ah Trump tan campaign neiin, “Kum 1 hnuah President impeachment nei mai tur inthlang duh ang maw?Watergate scandal kan thlen nawn tir tur a ni lo” tiin, Hillary chu lo tling mahse, criminal investigation vanga House/Congress ah “impeachment” awm tur angin a sawi a ni.
    Melania Trump-in a pasal a fak
    Donald Trump a nupui Melania chuan a pasal chu fakin, “Ka pasal Trump chuan “change” dan dik a hria. America Make Great Again au hla, tawngkam mai ni lo vin, danglamna dik a rawn thlen tir dawn a ni” a ti.

    Trump vote rawh !
    Greenville, Misissisppi state a African-American ho Biak ah chuan rawng kah chu (spray paint) hmangin, “Trump vote rawh” tih an lo ziak kulh mai a, brick then khat chu tukverh bulah leh Pulpit bulah chhut keh te an hmu bawk. He thil hi FBI lam chuan civil right law a bawhchhia em tih an chhui mek. FBI Director James E.Comey-an Oct 28 ah Hillary emails 650,000 chhui mek a nih thu Congress a thawn leh thut vangin FBI leh Justice Dept thu a inhmu lo hle a, sawiseltute chuan FBI chu “Trumpland” tiin an koh phah.
    Hillary dinhmun a derthawng em?
    Kum 4 kaltaa Barack Obama aiin Hillary Clinton hi a che tha lo zawk niin Associated Press chuan a sawi a, hei vang hian President Obama meuh pawh mawng vawmba ang maiin a campaign kual phah a ni. African-American zingah Hillary chu a tla na lutuk lo tih alan tak vangin, Mihangho-Obama ang hote chu tang tlang turin sawm an ni. Ohio state ah ballot paper pek chhuah a tlem a ni. Ohio tel lovin, President John F.Kennedy hnu lamah Republican hoten hnehna an la chang ngai lo. Ohio hi Trump a chak rin deuh a ni. Nevada ah Trump 49%, Hillary 43%.
    Michigan state hian 1968 hnu lamah Republican an la vote ngailo tih a ni. Chutih rualin Hillary dinhmun hi a tha lo.
    Michigan leh Colarado ah Democratic party a tha lutuk lo. Bill Clinton pawh beisei loh deuhvin Detroit khawpuiah Nilaini zan khan a lo lang thut a, Black hote leh Mayor leh minority te a hmu a ni. Hillary hian vawiin Zirtawpniah Detroit a tlawh bawk.
    Colorado ah Trump leh Hillary hi 39% ve ve niin, Gary Johnson 5% tih a ni.

    Republican-conservative Evan McMullin (44) chuan, Trump leh Hillary hi American mipuite an duh lo ve ve, chuvang anmahni dang (block) turin theihtawp ka chhuah dawn a ni” tiin, Utah state ah phei chuan 24% laiin vote an duh. Trump-37%, Hillary-31% niin, Libertarian party candidate Gary Johnson-4% a ni.

    New York Times/CBS News Poll chuan Hillary 45%, Trump 42%, Liberatarian Gary Johnson 5%, Green party Dr Jill Stein 4% angin a tarlang. Hillary a lo tling a nih chuan American 40% chuan vote mumal taka chhiar ni lovah an ngai dawn, tih a ni. US Presidential Election hi a lo buarchuar ve thin khawp a nih hi! States 34 ah vote maktaduai 30 dawn tla tawhin an sawi.

    Advertisements

    About Mizo Archive

    I'm the one who collect the best writings of Mizos
    Aside | This entry was posted in World News and tagged , , , . Bookmark the permalink.

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s