Pawisa thiin krismas bazar a nghawng

Krismas Bazar runpui hun lo thleng chho tan mekah sorkar laipuiin Cheng 500 leh Sang 1 ‘note’ a tihthih nghawng a lang tan niin Dist. hrang hranga kan corr. te’n an sawi.

Siahaa kan corr. CZ Hluna chuan pawisa ‘note’ tihthih hian Siaha District-ah kumin krismas boruak a nghawng nasa hle a, krismas Bazar pawh kumdang aiin a lun lo a, sumdawngte pawh kumdang aiin an inhralh chhe zawk a, kumdang tun ang huna an dinhmun nen chuan a inthlau hle tih a sawi a.

Sum harsat leh buai avangin kum dang angin khawlai pawh chei mawi a ni lova, veng tinah a hming chuan chei a ni a, kumdang erawh a pha lo hle a, Bank-a pawisa lak tum intlar pawh an la tam hle zel tih a sawi bawk.

Lawngtlai Dist. chhunga thingtlang khaw 100 chuang zetinKrismas châk an lakkhawmna ber Lawngtlai khawpuiah pawh pawisa tihthih hian mipui Krismas Bazar-naah nghawng a nei chho mek a.

Lawngtlaia kan corr. sawi dan chuan, Lawngtlai Bazarah dawrkaite’n an thil zawrhte kum dang ang bawkin pho chhuak mah se, a dawrtu lam an tam lo hle a, thingtlang lam amite’n Lawngtlai pan khawm tan tawh mah se, pawisa tihthih vangin pawisa nawi lêngvâk a tlem a, hei hian lei leh hralh kawngah nghawng a nei mek.

Tunhnaia Aizawl atanga Bank-te’n pawisa an dawn chu Cheng Sang 2 ‘note’ deuh hlir anih avangin Bank atangin pawisa ‘note’ tê zawkte a lak chhuah hleih theih loh a, hei hian mipui zinga khawsak harsa zawkte chu a nghawng chho mek a ni.

Kolasib Dist.-ah pawh Cheng 500 leh Sang 1 ‘note’ thih avang hian mipuiin Krismas Bazarnaah harsatna an tawk mek a. Pawisa nawi a tlem avangin nepnawi zuar leh thawmhnaw zuarte’n inhralh a har thu an sawi a. Bank thuneitute chuan Cheng Sang 2 ‘note’bak pawisa ‘note’dang an neih meuh loh thu an sawi a, ATM-ah pawh Cheng Sang 2 ‘note’bak lak chhuah tur a awm lo a ni.

Advertisements
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s