Aizawl khawpui hmun lunlaiahte dec 22 atang khan a thlawnin Wifi hman theih

Aizawl khawpui hmun lunlaiahte Dec 22 atang khan a thlawnin Wifi hman theih a ni.

Aizawl khawpui hmun lunlai deuh deuh, hmun 7-a Wifi a thlawna hman theihna tur hi vawiin khan Aizawl College Conf. Hall-ah Aizawl Mayor Pu PC Lalhmingthanga’n a hawng a . Aizawl Mayor hian thu sawiin, Aizawl Municipal Corporation, Board of Councillors chuan kumin January thlaa Aizawl khawpuia Free Wifi hman theih tura hma la turin thutlukna a siam a, buaipui tur a tam avang leh harsatna hrang hrang vangin duh angin hma a lak chak theih loh thin, a ti a. September thla khan hawn hman beisei a nih thu mipui hriatah amah ngeiin a puang naa khawl lam leh tender lamah thil tihfel hleihtheih loh a awm thin a, tender chhangtu an awm mumal loh bakah a chang chuan firm pakhat chauhte’n tender an chhang a, hetiang harsatna hrang hrang paltlang a nih hnua tuna free-wifi hawn theih a lo ni ta chu lawmawm a tih thu a sawi a.

Ram changkangah chuan free Wifi hi an uar viau tih sawiin Mayor chuan, khualzin hipna atan te, zirlaite tan bakah sumdawngte’n a thlawna hman theih Wifi pek hi an uar hle a, tuna Aizawl Municipal Corporation-in an han pe chhuak ve ta pawh chu a senso tam mah se mipui leh zirlaite tan a tangkai dawn avangin sum sen thlawnna a ni dawn lo, a ti.

Aizawl Free Wifi enkawltu tur NexComm hnathawkte chuan tuna Free Wifi an pek chhuah hi a tha thawkhat hle tih an sawi a. Optical fibre hman a ni a, Cable a lo chah palh chang pawha signal a buai loh nan Radio wireless pathum an bun tel nghal a, hmun hrang hranga Router an dahte vil tur hin Technical Team pasarih indin fel tawhin Router an dahna Hotspot pakhat hian mi Sang chuangte free wifi a pe thei tura ngaih a nih thu an sawi a ni.

Aizawl free wifi hawnna inkhawmah hian MLA Pu Vanlalzawma, MJA President Pu Vanlalrema Vantawl leh Councillor thenkhatin thu an sawi a ni.

AIR

Advertisements

About Mizo Archive

I'm the one who collect the best writings of Mizos
Aside | This entry was posted in Zoram History and tagged , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s