AMC OFFICE KAWT-A YMA THINGPHUN KIH DUH LOVIN MIPUI PUNGKHAWM

AMC in Thuampui veng YMA thing a kih tir.
Thuampui YMA te’n AMC an dawr.
AMC chu High Court hnuai chiaha awm sn lo ni!!??
AMC in ngaihdam an dil.

Thuampui Branch YMA chuan AMC Office bula an thingphun tha taka an humhalh lai Aizawl Municipal Commissioner Dr.H.Lalthlangliana’n a naute kih tir an duh lohna lantirin vawiin tlaikhan AMC office kawtah mi engemaw zat an pung khawm.

Thuampui Branch YMA hruaitute hnen atanga thu dawn danin Thuampui Branch YMA in kum 2011-a an thingphun uluk taka an enkawl lai chu AMC hnathawktu ten Thawhtan ni January ni 30 2017 khan an lo kih sak.

Engvanga thing hi kit ta mai nge tih zawh tumin Thuampui YMA hruaitute chuan AMC Commissioner office-ah an leng a. Mahse, he mi ni hian AMC Mayor Programme pawimawhah staff tam zawk an kal avang leh Commissioner ngei pawh hi a hmuh theih loh avangin YMA hruaitute hi beidawngin an kir leh niin an sawi.

Thudawn danin nimin chawhma lam khan Thuampui Branch YMA chuan AMC Commissioner hi thilawmzia zawhfiah tur leh a chhan mumal tak hriat tumin lamkal an tir leh a. YMA ten lamkal a tirh te hnenah hian AMC Commissioner Dr. Lalthlangliana chuan “Aizawl khawpui chhunga Thingphun zawng zawng kit thei tu leh a enkawltu a nih thu te, Amah chu High Court hnuai chiaha awm a nih thu te, kum thum chhung lunginah khunga cheng nuai khat thleng chawitir thei tu a nih thu te a lo hrilh bakah YMA ngenna anga, thil awmzia a sawifiah loh tur thu a lo sawi, niin thu dawnna chuan a sawi.

Thuampui veng mipui engemaw zat chu AMC office kawtah hian an pungkhawm a, boruak a so san tak tak hmain mipuite hian khawtlang hruaitute thu zawmin office chhunga luh luih an tum pawh an thulh ta a ni.

Thuampui Branch YMA kaihhruaiin nimin tlai khan Emergency Committee Thuampui Branch YMA Committeeroom-ah neih nghal a ni a. Meeting hi YMA President Er.K.Lalrimawia’n a kaihruai a, thil thlen dan chipchiar tak report a pe a. He Emergency meetingah hian AMC aiawha kal Councillor Pu R.Thanglura leh Pu Lalhmingmawia ten Aizawl Municipal Corporation aiawhin an Commissioner thil tih dik loh-ah ngaihdam an dil a. He emergency Meetinghi Central YMA aiawhin Gen. Secy. TV.Lalhmachhuana pawhin a telpui a ni.

Thu dawn danin AMC Commissioner Dr.H.Lalthlangliana, chungchanga Councillor te ngaihdam an dilna hi Thuampui branch YMA leh Local Council member te chuan zahawm an ti a, amah ngeiin ziakin ngaihdam dilna Thuampui Branch YMA hnenah thlen se an ti bawk.

Author : Vanneihthanga Vanchhawng
2nd Feb. 2017


Advertisements
Aside | This entry was posted in Zoram History and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s