ISLAM SAKHUA LEH MOHAMMAD SAWICHHIATNA LEHKHATHAWN ZIAKAH PUHIN PAKISTAN-A CHRISTIAN CHHUNGKAW PAKHAT MAN AN NI!

Pakistan rama christian chhungkaw pakhat kum 70 a upa Mukhtar Masih te chhungkua chu chhungkaw pa ber Mukhtar Masih an Islam sakhua sawichhiatna leh Mohammad deusawhna chungchang thu lehkhathawn ziakah puhin man an ni.

Gujranwala district, Lambanwali khua cheng Mukhtar Masih te chhungkua hi inrinni January 28, 2017 zan dar 10:00pm vel khan police ten an man a, lehkhathawn hmanga islam sakhua sawichhiatna chungchang ziaka puh chhungkaw pa ber Mukhtar Masih bakah hian a fanu Saima leh a fapa Anjum Mukhtar leh a fate pahnih Romilla leh Nehmeeia pawh an man tel nia sawi ani.

Police te chuan Mukhtar Masih an man hnuah an man chhan chu hrilhin chu khuaa miten islam sakhua sawiselna leh deusawhna thu lehkhathawn ziakah puhin complaint an thehluh vanga man annih thu hrilhin Mukhtar Masih an muslim sakhaw zirtirtu hnenah Mohammad sawichhiatna thuziak lekhathawn a thawn pawh fianfiahna atan an neih thu an sawi bawk.

Lehkhathawn chungchanga Masih complaint tute zingah hian Lambanwali khuaa Muslim biakin a thawkQari Shahbaz Hussain, Sabir Ali, Pervaiz Ahmed, Muhammed Anwer leh Muhammed Mansha muslim sakhaw zirtirtute pawh an tel nia sawi a ni.

Masih fapa Anjum Mukhtar erawh chuan “hetianga ka pa an puhna hi dawt phuahchawp ani. Ka pa in hetiang thil hi ati lovang; ka pa lehkhathawn ziak nia an sawi police ten finfiahna a hman an tum pawh chu ka pa kutziak a ni lo a, phuahchawp a ni a ti. Tun hma deuh atang tawh khan mithenkhatten an chenna inhmun chu man tlawmte a lei an dil thin nia sawiin an chenna inhmun chu an chhuahsan vat a nih loh chuan thahah pawh an lo vau fo thin niin a sawi bawk. Muslim ram Pakistan ah hian christian te tan muanna leh zalenna a awm theilo a ni tiin Anjum Mukhtar chuan British Pakistani Christian Association a hrilh.

First Information Report (FIR) number 49/17 ziahluh niin Mukhtar hi Pakistan Penal Code hnuaiah Sections 295-A leh 298 hmanga thubuai siamsak a ni a, Mukhtar Masih an puhna hi court-in pawmin thiamloh a chantir a nih chuan kum 10 thleng lungina khung theih ani dawn nia tarlan a ni.
Source : (Christian in Pakistan)

Author : Zaithans Sona

Advertisements

About Mizo Archive

I'm the one who collect the best writings of Mizos
Aside | This entry was posted in World News and tagged , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s